鍾舒漫率50人快閃蘭桂坊跳舞Busking新歌《小碎步》

By COSMO

鍾舒漫(Sherman)為宣傳其新歌《小碎步》,日前率50人於蘭桂坊跳舞Busking,Sherman說:「這次街舞表演,係要傳遞一種做自己的態度,無懼別人目光,帶着自己的節奏跳舞。」

鍾舒漫
由籌備、排練到拍攝經過兩星期,Sherman每天心情期待又緊張,她說:「緊張係因為成個活動有50人參與,大部分係學生,好怕佢哋受傷或者有閃失。」之前因天雨關係令活動被迫取消,Sherman擔心改期會不夠人嚮應,所以當日見到一班支持自己的舞蹈員及學生全都現身,非常感動。

鍾舒漫
鍾舒漫

雖然活動當日有雨,卻無損氣氛,吸引不少途人駐足圍觀。問到今次跳舞busking會畀自己幾多分,Sherman笑說:「如果問我有幾努力嘅話,絕對係100分,而成個活動表演就90分,淨番10分係想謙虛啲。我希望下次係聚集一班鍾意跳舞嘅歌手,大家可以做場騷或者battle,因為香港其實有好多歌手都跳得。」
鍾舒漫
鍾舒漫

近日,Sherman練舞同時,亦已埋首錄音室密密錄新歌,新歌以李小龍的名言「Be Water My Friend !」為題材,亦是一首跳舞快歌。又要忙《小碎步》宣傳,又要準備新歌,Sherman直言:「日程真係非常爆,成日唔夠瞓,但做自己鍾意做嘅事,忙之餘都心甘命抵。」

LOAD MORE