「靚佬湯」踩過界?《巴利薛爾:飛常任務》玩轉黑白兩道

by HY

如果觀眾對湯告魯斯喺《盜墓迷城》嘅演出唔滿意,今次靚佬湯做返機師,應該好有睇頭喇掛?湯告魯斯今次喺《巴利薛爾:飛常任務》(American Made) 飾演遊走黑白兩道嘅高超機師巴利薛爾(Barry Seal),幫CIA收集情報,但係同時又搞走私運毒。嘩,玩咁大,靚佬你搞唔搞得掂㗎?

 

 

故事簡介

改編真人真事,《巴利薛爾:飛常任務》講述主角巴利薛爾表面係民航機師,有一日俾中情局睇中,要佢幫手運違禁品。期間,巴利認識到哥倫比亞大毒梟,知道運毒可以賺大錢。於是巴利索性利用CIA嘅掩護,實行刮一筆,自己運埋毒品,越搞越大,仲引起緝毒局同白宮注意。究竟巴利最後點樣化解危機呢?

 

同時,巴利又係一個好愛家庭嘅好男人。集機師、好男人、毒犯於一身,要扮演咁高難度嘅雙面人,一定要「靚佬湯」先駕馭得到!

 

 

製作認真 還原80年代場景

電影拍攝十分認真,除咗遠赴哥倫比亞、哥斯達黎加等地方取景,以還原毒梟嘅所在地,工作人員亦準備四、五十年前製造嘅飛機,以求真實效果。面對不同機種,加上現實偏僻而奇形怪狀嘅跑道,本身有豐富駕駛經驗嘅靚佬湯都可以駕駛自如,連導演都大讚。

 

 

工作人員所有現代化嘅標誌改裝,還原1981年嘅場景。其中一項有趣嘅工程,係喺鎮上安裝26個電話亭,係特意為拍攝巴利喺屋外打電話一幕而設,準備十分細緻。另外,片中亦出現唔少80年代嘅道具,如街機、點唱機同美女海報。當然唔少得當時嘅流行服飾同古董車啦。

 

 

演員實力備受肯定


湯告魯斯對飾演巴利妻子的莎拉活麗(Sarah Wright)讚不絕口,覺得佢演得非常出色。



飾演中情局探員的當勞格利遜(Domhnall Gleeson)亦備受讚賞,演活了觀眾在導演德格里文電影中常見的原創角色。

 

 

延伸閱讀:《心跳紐約》--不要被現實奪走了你的靈魂

延伸閱讀:TAYLOR SWIFT新MV想表達乜?15個彩蛋你睇唔睇得明?

LOAD MORE