香港史上最貴日本團?杜如風帶團豪玩 團費盛惠$100000或以上

By COSMO

旅遊達人杜如風主持的旅遊節目,單講東京一個地方都已經超過60集,加上她說得一口流利日文,日本通一名當之無愧。由當初被鬧「世界級港女」,到以真性情和真材實料獲得大家歡心而入晒屋。今年初,她由主持變領隊,帶隊遊日本名古屋5日4夜,20位團友每位$88888!平凡人當然覺得貴,但一樣有人報且全團爆滿!

杜如風
日前,杜如風預告明年農曆新年會再次帶團玩日本,今次更有咁豪得咁豪,講明6日5夜「團費唔止10萬蚊」,絕對是香港史上最貴日本團!究竟玩咩咁巴閉?

杜如風
今次名額16名,會去東京以及附近的箱根溫泉區,還會玩齊海陸空。她謂:「Book咗好似林建岳嗰啲超豪遊艇,成90呎長同大家出海睇夕陽;又會帶大家坐直升機俯瞰東京,坐嘅巴士都係特別改造,40幾個座位改到得番20個位。今次會坐JAL商務客位,年初一近2萬一位,仲要機位真係好緊張,Business class得24個位畀我哋包咗20個。」

杜如風
交通方面坐Business class,住都一樣豪華,在箱根會住兩晚溫泉旅館,杜如風說:「其實已經包咗8棟Villa,每棟都係有改名,部份仲係一間房有兩個溫泉,報名時已經可以揀定想住哪一棟。」

代步方面夠晒豪,住宿當然亦唔弱啦,行程會先去箱根住兩晚溫泉旅館:「其實已經包咗8棟Villa,每棟都係有改名,部份仲係一間房有兩個溫泉,報名時已經可以揀定想住哪一棟。」而東京的住宿則會安排過千呎套房:「其實係因為今年初去名古屋嗰團,參加嘅團友話4、5百呎房細咗啲,唔夠放戰利品,所以今次直接升級,全部住過千呎﹗」
杜如風
住得好更加要食得好,杜如風表示會幾餐食米芝蓮三星級餐廳:「其實一直未正式定到團費,因為有間日本天皇御用料理我哋好想Book,係日皇以及皇室多次光顧嘅一間餐廳,一個餐有成10道菜要慢慢同嗰邊傾,成本可以差好遠。」

杜如風

<延伸閱讀>國際小姐香港代表王詠珩靚過晒港姐三甲 有美貌又well educated!

<延伸閱讀>美貌實力兼備只欠小金人!關於Jessica Chastain 你要知道的7件事

LOAD MORE