[BF material]睇嘢唔好睇表面!林作其實係超級荀盤?

by 高恩

相信大家認識林作都係因為佢係前港姐麥明詩嘅前男友,好多人覺得佢係借女友上位,加上佢性格敢言,鍾意喺網上發表個人意見,勁吸hater。今年仲放棄做大律師,走去做作家、KOL、主持、補習天王!無論你睇佢順唔順眼,但佢溝得掂10優港姐麥明詩已經證明佢非池中物,麥明詩咁叻女點會揀個爛人做男朋友,唔明點解林作可以溝到麥明詩?睇完以下4點你就明!

林作
林作 麥明詩

林作BF material一:好孝順

應采兒曾經喺訪問大讚陳小春嘅孝順係吸引佢嘅原因之一,佢話:「一個男人連自己阿媽唔錫,點會錫老婆。」單親家庭長大嘅林作,同媽咪怠情相當好,佢曾經喺父親節嘅時候,貼上同媽咪嘅合照社交網站,寫話:「我單親,父親節,要更感謝媽媽。」而佢亦不時同媽咪食飯、旅行,絕對唔會掛住拍拖、做嘢唔理阿媽。

林作

林作BF material二:家底好

畀人起晒底嘅林作,邊個唔知佢家住半山麥當勞道1,700呎單位,佢仲成日借出屋企畀電視台同FRIEND拍嘢,想知佢屋企有幾大,上網睇下片就知。之前林媽媽仲豪擲6,500萬購入同屋苑同座一個3,400呎複式單位,財力驚人!

林作

林作BF material三:有學識有內涵

林作自小喺英國讀寄宿學校,大學仲考上牛津大學,再喺倫敦法律學院取得法律文憑,2013年喺香港大學攻讀法學碩士,2015年成為執業大律師。個學歷靚到呢!冇做律師嘅佢去咗做補習天王,專教IELTS,學生成績仲好好添!

之前林作就曾經選過議員,雖然就落選咗,但佢依然好關心政治,仲經常為政事發表意見,當然人人政治立場都唔同,唔認同佢唔緊要嘅,但至少佢有主見,唔會人云亦云。
林作
林作

林作BF material四:唔靚仔

咩料?唔靚仔都係優點?係呀!靚仔冇本心冇聽過咩?雖然林作唔靚仔,都稱唔上樣衰呀,未至於睇佢順眼嘅TYPE,加上唔靚仔安全感大好多,係咪先!

林作"
街頭實測林作嘅人氣:

<延伸閱讀>低調的慈善家!古天樂默默捐建近100間小學、750口水窖......

<延伸閱讀>男神新梯隊,本土Oppa劉俊謙,只拍過一次拖?!

LOAD MORE