[起底組做嘢]喺周杰倫演唱會點《算甚麼男人》畀前度,地表最強女歌迷原來係大陸網紅!

By COSMO

周杰倫嘅演唱會一向都有點歌環節,從大會喺現場觀眾入面搵歌迷出嚟點歌同偶像一齊唱。喺日前嘅杭州演唱會都出現咗震驚中港台娛樂圈嘅事件!當晚大會揀咗個high到爆女粉絲,自稱「小仙女」,今年23歲,周杰倫問佢諗咗點咩歌未,佢就話諗咗,「我前男友今日應該也在現場」,聽到都知好有爆點。



「小仙女」繼續講:「他要結婚了,雖然他長得醜,眼睛也瞎了,我還是想祝福他。我想點一首《算甚麼男人》給他。」周杰倫即使爆笑,仲拍埋手讚佢幽默:「這樣說他老婆也可能在現場。」自信爆棚嘅小仙女即時接話:「鏡頭拉近一點,讓他老婆看看我長得多漂亮!」



周杰倫笑到企唔穩!
片段一出,喺中港台嘅社交網站都洗晒版,仲有人封「小仙女」做「地表最強前女友」,而「小仙女」唱到副歌嗰陣,突然哽咽、眼泛淚光,應該都係受過情傷。不過傷心已經過去,迎接佢嘅係20萬微博粉絲追蹤!



在網民就認得依位「小仙女」本身係大陸嘅網紅,兼平面模特兒,曾經同男星任嘉倫拍過戲,微博本身都2萬人追蹤,一夜間佢微博粉絲仲跳至超過20幾萬。而佢事後就喺微博同前男友道歉,不過句句有骨:「今天diss了前男友我感到非常抱歉,所以你下次結婚的時候我再去給你賠不是吧!」繼續烈女本色。









<延伸閱讀>10日寫50首歌!周杰倫:能有今天,就是我不服輸的結果

<延伸閱讀>[隨時同周杰倫一齊打機]周杰倫深圳開豪華網吧 網民:地表最高端

LOAD MORE