[最鍾意邊個版本?]《流星花園》翻拍7次!美國、越南都拍過?

by Yufi

台灣偶像劇之母柴智屏宣布翻拍《流星花園》,之前就出現咗幾個F4嘅人選,不過全部都係煙幕嚟,日前佢就公開咗新F4同杉菜嘅最終選角!

新流星花園
道明寺由今年19歲嘅王鶴棣飾演,來自四川嘅佢本身係一名空少,喺西南航空專修學院讀書時已經被稱為「西航彭于晏」!(唔知彭彭嘅粉絲點睇呢?)

後來參加選秀節目而入行,好多人都話佢歪嘴嘅笑容有壞孩子嘅感覺,好啱做道明寺。
新流星花園
花澤類由今年22歲的官鴻飾演,佢之前已經同宋芸樺一齊擔正柴智屏監製嘅網劇《別那麼驕傲》。私下嘅佢不拘小節,完全冇偶像包袱,同沉默嘅花澤類完全唔同,都有人話佢一頭卷髮啱演道明寺多啲。

新流星花園
飾演西門嘅係今年21歲、嚟自深圳嘅吳澤希,佢真係新人嚟,依套劇係佢第一個出道作品,連微博都係啱啱先開。

新流星花園

美作由同樣嚟自深圳嘅梁靖康飾演,佢嘅演出經驗係4個人當中最多嘅,經常做雜誌嘅模特兒,仲去過巴黎時裝周。

新流星花園
新F4嘅顏值相當唔錯,咁大家都對杉菜好有期待。飾演杉菜嘅係20歲嘅沈悅,佢眼大大樣子清純,不過就冇乜特色,真係有少少過目即忘。

新流星花園

新流星花園
2001年台版《流星花園》棒紅咗F4同大S係最令人懷念嘅一輯。依家睇番,其實好多位都好粗製,不過當時啱晒追偶像劇嘅人嘅口味,所以爆紅得咁犀利。

新流星花園

F4
▲「如果道歉有用的話,要警察來幹嘛?」道明寺依句說話,小編到依家都講緊!(利申:小編係90後呀!LOL)

2005年日版《花樣男子》小編覺得係台日韓版最好睇,亦都係最跟近原著,5個主角嘅演技都可以話係最好嘅。

日版 花樣男子
日版係演技最好,咁2009年韓版《花樣男子》一定係顏值最高,李敏鎬、金賢重、金汎、金俊,絕對係真正嘅花美男,具惠善都勁甜美,所以當時喺亞洲掀起煲劇潮。

韓版 花樣男子
2009年大陸版《一起去看流星語》畀好多人鬧爆勁膠,啲衫又唔靚,主角又唔靚,人哋F4(Flower 4)佢哋就H4(Handsome 4),總之一句講晒--唔使睇。

大陸 流星花園
大陸 流星花園
▲聽歌搞到花澤類眼痛?想點啫你!
2013年美國版《花樣男子》!係咪冇諗過呢?連美國又有改編過,不過一睇個hea到爆嘅poster就知係劣質製作,睇埋F4嘅背景肯定你會忍唔住笑!

美國 流星花園
美國 流星花園
道明寺唔係富二代,變咗黑社會大佬個仔,打籃球好勁但係就好有性格咁抗拒咗NBA球隊嘅邀請;太太爺係學校嘅創始人,有傳會成為學校嘅校長。一個高中生會做校長?吹咩!有錢人真係大晒架!
美國 流星花園
花澤類出身於音樂世家,家族拎過過百座格林美,佢本身都係音樂神童,5日就學識彈鋼琴。個樣油到一點!仲有啲似王梓軒添!
美國 流星花園
西門係歌手嚟,唱片大賣,唔知點解仲會去返學?
美國 流星花園

你冇睇錯,美作係前面肥肥哋嗰個,唔講以為係F4啲跟班。

越南版,淨係睇相都飽晒......

越南 流星花園
各國流星花園

photos credit: internet

<延伸閱讀>天然呆演活麻甩的士佬!馬國明憑《降魔的》發圍 擺脫膠劇男主命運?

<延伸閱讀>世紀復合!林志玲言承旭被拍得同遊馬來西亞 言承旭:希望大家給點空間

LOAD MORE