馬明被逼咀阿Bob!緋聞女友黃心穎:嗰刻我都嚇親

By COSMO

自從台慶冇晒之前啲雜技同驚險表演之後,趣劇就成為台慶最令人期待嘅環節。今年就搞咗個面試日,有曾志偉、田蕊妮、胡定欣、黎耀祥同阮兆祥做評判,黎耀祥扮佢好耐冇扮嘅羅文。

tvb 台慶
先有曹永廉扮黎耀祥唱歌,再在黃翠如扮林亞珍,其實出嚟都冇半分鐘就畀曾志偉趕走咗,唔講都唔知嗰個係佢;仲有王祖藍扮Celine妹妹同李思捷扮佢阿爸。

之後農夫嘅陸永同C君就扮嘟姐鄭裕玲同志偉,陸永戴咗個假髮、着高踭鞋,着到成個「Miss Mo」咁,連小動作都扮到足,搞到台下嘅嘟姐狂笑,陸永係咁話自己有背稿,「你咁多部機我望邊一邊呀」、「好鬼低級架你幾隻嘢」,真心係嘟姐嘅口頭禪;陸永仲寸遊戲節目好均真,視帝視后年年都一樣,C君就即刻扮志偉講「打和」,結果就梗係畀志偉打喇,之後佢就變咗用普通話講「不要打我」。
tvb 台慶 王祖藍 李思捷
tvb 台慶 農夫
tvb 台慶 嘟姐
講到高潮位,就一定係馬國明林盛斌扮《上海灘》嘅許文強同馮程程,馬國明重現天然呆樣,仲笑阿Bob好似中咗輻射咁走晒樣。點知臨完嗰陣,林曉峰就整蠱佢哋,搞到佢哋咀對咀,令全場爆笑!當時鏡頭就即刻影住馬明嘅緋聞女友黃心穎,心穎都O一O嘴,好明顯嚇親。

tvb 台慶 馬國明 bob
tvb 台慶 馬國明 bob
馬明話自己咁大個仔第一次錫男仔,話自己冇心理準備所以嚇親。小編就問咗心穎BB,對於緋聞男友同男嘴有咩感受,佢就好大方一啲都冇介意,仲搞笑話:「如果我話戥佢開心係咪有啲變態?」之後佢話:「雖然嗰刻我都嚇親,但係我覺得好搞笑,for台慶最緊要好睇。幾好呀!又變咗個talking point。」

tvb 台慶 馬國明
tvb 台慶 馬國明 bob
tvb 台慶 黃心穎

<延伸閱讀>驚咗「限奶令」?花旦小花台慶收奶 行高貴路線

<延伸閱讀>《降魔的》獲網民力捧做最佳劇集!3點話你知,點解咁好睇

LOAD MORE