[方丈份人...]張繼聰拍片多謝大家支持 默認遭大台封殺

By COSMO

曾經,大台重用張繼聰,拍劇、主持有咩都搵佢,雖然唔係親生仔,但係連飛躍進步獎都頒過畀佢,不過方丈份人...... 大家都知架喇!今年台慶全台小生花旦出動表演,不過唔見張繼聰嘅身影,可能你會話因為佢唔係親生仔,所以唔使表演,但事實又邊有咁簡單......


大台同蕭定一公司因電影片酬問題打官司,訴訟仲進行中,大台就決封殺蕭定一旗下藝人嘅活動,受影響嘅包括張繼聰、欣宜、Babyjohn等,咁當然最影響嘅一定係喺大台拍好多劇嘅張繼聰,佢有份主演嘅台慶劇《誇世代》連宣傳都冇得去呀!

張繼聰
湊夠「好」字心到融 張繼聰

雖然蕭定一喺訪問中話冇啲咁嘅事,但係張繼聰就喺拍咗段片上載咗喺社交社網,親自交代,話可能嚟緊有一段時間唔可以再喺將軍澳出現,仲感謝大台對佢栽培,同埋一班台前幕後嘅同事。

 

LOAD MORE