《降魔的》配角勁搶鏡！何遠東、趙永洪精湛演出賺人熱淚

《降魔的》是成為了大台的人氣劇，除了馬國明獲觀眾表示要力捧他做視帝外，劇中不少配角都相當受歡迎，包括演龍貓的何遠東、演些粉的趙永洪。

何遠東

何遠東飾演的龍貓因意外慘死，馬國明施靈術讓他再現人前，當他知道自己已離開人世時，表現激動和愕然，令觀眾睇到相當心翕；之後他報夢老婆着她要好好照顧自己，還表明她可以改嫁，又在眾人聚餐時表示：「我成世人都無咩成就，大家都仲咁記得我，講起我都係笑嘅都係開心嘅，咁最起碼我都係一個幾好嘅肥仔。」場面賺人熱淚，獲不少網民熱型討論，大讚他的演技。

早在今年6月，何遠東在劇集《心理追兇Mind Hunter》中飾演患有情緒病，弒母的麵檔少東時，演技已受到激讚。今年33歲的何遠東絕非普通配角，他於香港演藝學院戲劇學院在學時，已憑舞台劇《取西經》及《偽善者》獲得校內傑出演員獎，成績優異屢獲獎學金。雖然今年何遠東才開始憑劇集入屋，但其實他在2008年已加入大台，不過多演跑龍套角色，曾在台慶和吳業坤一起扮棋。多年來主力舞台劇演出，2014年更憑舞台劇《華佗六頂記》獲提名第23屆香港舞台劇獎 「最佳男主角（喜劇 / 鬧劇）」。

趙永洪

趙永洪飾演的些粉在得悉好友龍貓去逝後，落淚自責害死對友，由冷靜再到激動爆喊，演繹得相當有層次又催淚，「痴線…人哋仔細老婆嫩，又勤力，又好心，又路不拾遺，六合彩又唔見佢中，仲要咁死法。呢個世界好人冇好報，我又貪心又爛玩，又爛嫖，又爛賭，唔死都冇用」。網民大讚他不是一味爆喊，而是演出自然又有層次。

今年38歲的趙永洪1988年加入演員訓練班，同期同學有林峯等，之後多飾演跑龍套角色，直到演出處境劇《同事三分親》、《畢打自己人》、《愛·回家》等才開始入屋。除了主力有處境劇的拍攝，趙永洪亦會為大小活動擔任司儀，經常爆show。除了劇集，他還參與電影演出，包括《同囚》、《毒。誡》、《壹獄壹世界：高登闊少踎監日記》 、《三人行》等。



＜延伸閱讀＞《降魔的》獲網民力捧做最佳劇集！3點話你知，點解咁好睇

＜延伸閱讀＞馬明被逼咀阿Bob！緋聞女友黃心穎：嗰刻我都嚇親