feature

【情人節2019】黃心穎 張寶兒鬥快做人妻?盤點娛樂圈今年有機會結婚情侶

【情人節2019】黃心穎 張寶兒鬥快做人妻?盤點娛樂圈今年有機會結婚情侶

情人節就快到喇!咁Sweet嘅日子就令人諗起上年圈中多對情侶結婚,鄭嘉穎同陳凱琳、陳展鵬同單文柔,仲有阿嬌同翠如BB都做咗人妻,個個都勁冧豬,即時盤點吓今年又有邊對圈中人有望變新人!


鄧麗欣、邱勝翊(王子)

2018婚訊多 今年邊對圈中人有望拉埋天窗?

35歲嘅鄧麗欣(Stephy)同方力申結束10年情後,上年高調同29歲前台灣男團棒棒堂成員邱勝翊(王子)展開新戀情,兩個不時於社交網傳情,更密密飛到對方身邊一解Long D之愁。

2018婚訊多 今年邊對圈中人有望拉埋天窗?

女方又帶埋男友見恩師杜汶澤,Ig仲要只Follow男友,完全係打得火熱!

2018婚訊多 今年邊對圈中人有望拉埋天窗?

雖然拍拖未夠一年,但Stephy已經火速於台北信義區投資開設飲品店,近期更被爆計劃於王子寓所附近開分店,又被傳有睇樓,似乎有意「落地生根」,加埋佢曾經公開話唔排除閃婚,硬件、心態同感情都Fit晒,睇嚟今年好有可能成為台灣人妻都唔定!

蔡卓妍、石恆聰

2018婚訊多 今年邊對圈中人有望拉埋天窗?

另一個有望有喜嘅歌手就係一向鬼鬼馬馬嘅蔡卓妍 ( 阿Sa)喇!

2018婚訊多 今年邊對圈中人有望拉埋天窗?

好姊妹阿嬌上年結婚已經指定俾花球佢,而阿Sa年尾更大方帶埋男友石恆聰赴會。

2018婚訊多 今年邊對圈中人有望拉埋天窗?

雖然曾失婚嘅阿Sa回應結婚傳聞時講明唔會好似以前咁衝動,仲話自己唔心急,但唔少網民仍然相信佢有望秘婚。

張寶兒、袁偉豪

2018婚訊多 今年邊對圈中人有望拉埋天窗?

至於公仔箱方面亦有好多對大熱新人,袁偉豪同岑杏賢分手後,戀上細佢11年而且同樣港姐出身嘅張寶兒,兩個不時於節目同埋社交網大方晒恩愛。

2018婚訊多 今年邊對圈中人有望拉埋天窗?

雖然拍拖時間唔長,但當中經歷唔少,包括袁偉豪爸爸離世、女方上載黑白相為老公余德丞集氣被批評等等,多次公開互撐,感情一日千里。

2018婚訊多 今年邊對圈中人有望拉埋天窗?

而張寶兒不但多次同男友出席老友活動,上年10月慶祝27歲生更不忘行埋「奶奶政策」,陪袁偉豪以及袁媽媽去日本旅行,相信已經入晒屋,加上手握男友屋企門匙,更被對方稱為唯一可以信任嘅人,難怪一度傳出有計劃今日結婚!

洪永城、梁諾妍

2018婚訊多 今年邊對圈中人有望拉埋天窗?

洪永城近月被爆撻著30歲模特兒梁諾妍。

2018婚訊多 今年邊對圈中人有望拉埋天窗?

拍拖冇耐就被拍到喺男方西貢匡湖居住所度春宵,早前更雙雙出席好友活動,融入晒對方生活圈子,洪永城蜜運4個月更豪擲逾千萬買觀塘豪宅嘅樓花,深夜拍拖睇盤。

2018婚訊多 今年邊對圈中人有望拉埋天窗?

洪永城更被指為女友修心養性,身心都似準備好晒成家立室!

黃心穎、馬國明

2018婚訊多 今年邊對圈中人有望拉埋天窗?

講到結婚不得不提電視圈中好Sweet嘅馬國明同心穎BB啦!

2018婚訊多 今年邊對圈中人有望拉埋天窗?

多次情侶檔出席活動更不避縑接受訪問嘅佢哋,去年年尾結伴到澳洲出席心穎家姐嘅婚禮,激起網民催婚,馬明回應時就講明唔會秘婚,至於心穎BB講到家姐婚禮時亦感嘆爸爸身體無以前咁好,好想爸爸睇到自己出嫁,似乎對披嫁衣都有啲心動喇!

李佳芯、陳炳銓

2018婚訊多 今年邊對圈中人有望拉埋天窗?

無線新一代花旦李佳芯(Ali)與男友陳炳銓拍拖4年多,由本身被指係美女與野獸到細水長流愈來愈多網民支持!

2018婚訊多 今年邊對圈中人有望拉埋天窗?

已經同居幾年嘅佢哋去年年中就被爆有計劃結婚,更有四圍睇樓打算築愛巢,都唔排除好快有好消息!

LOAD MORE