feature

命中注定無人愛?40歲陳喬恩要麵包棄愛情:「我要做一個有錢的孤獨老人」

命中注定無人愛?40歲陳喬恩要麵包棄愛情:「我要做一個有錢的孤獨老人」

隨住北上大流返大陸拍劇嘅陳喬恩近年一直留喺北京工作生活,舊年酒駕事件爆出後,喬恩因為選擇喺微博道歉都引起過兩岸網民罵戰。留喺內地拍劇嘅台灣藝人處境一向尷尬,但喬恩選擇堅持落嚟,更為此放棄結婚,成家嘅機會。最近佢上內地一個訪談節目《女人30+》同大家剖白心跡,唔鐘意小朋友,樂於獨處,享受為事業拼搏嘅過程。喬恩同大家一一解釋佢獨身嘅種種原因。其實佢比大家想象嘅要快樂得多,佢更做好準備未來要做一個有錢嘅孤寡老人。相信唔少單身女性都會從呢個訪談中揾到共鳴。


命中注定無人愛?40歲陳喬恩要麵包棄愛情:「我要做一個有錢的孤獨老人」

以一部「命中註定我愛你」稱霸兩岸三地,成為偶像劇一姐嘅陳喬恩,近年一直留喺大陸拍劇揾人仔,甚少返家鄉接job。可能好多人(尤其係台灣嘅網民)都會覺得,喬恩喺大陸過得太好,所以樂不思蜀。

命中注定無人愛?40歲陳喬恩要麵包棄愛情:「我要做一個有錢的孤獨老人」

舊年喬恩參加嘅一個訪談節目「女人30+」最近終於喺內地播出,喺短短兩集嘅節目中,佢同大家展示咗自己「北漂生活」嘅另一面。

麵包比愛情更重要

命中注定無人愛?40歲陳喬恩要麵包棄愛情:「我要做一個有錢的孤獨老人」

拍完「命中註定我愛你」之後,陳喬恩同好多台灣藝人一樣,注意到內地影視圈嘅機遇同發展,跟隨大流北上嚟到北京定居,工作,仲喺樓價堪比香港嘅北京買咗屬於自己嘅家。北上令佢獲得更大嘅名氣同更多嘅金錢,但同時失去嘅喺一段可以進入婚姻嘅愛情。

命中注定無人愛?40歲陳喬恩要麵包棄愛情:「我要做一個有錢的孤獨老人」

有選擇就會有犧牲,喬恩笑言其實自己仲未有遇到一個男人,可以愛佢愛到願意一齊走入婚姻殿堂,與其勉強自己,不如寄情於工作,揾到錢最實在。喬恩仲話試過有男生對佢表示有好感,但佢直接對對方講「你這種很煩」將人趕走。害人害己,佢都笑言呢種性格唔適合談戀愛。

命中注定無人愛?40歲陳喬恩要麵包棄愛情:「我要做一個有錢的孤獨老人」

陳喬恩版本嘅東方不敗,喺選角嘅時候網上一片反對聲,但喬恩用演技折服觀眾,演活咗一個因愛生恨嘅女版東方不敗。佢話邁入40歲,自己開始只選擇自己想拍嘅劇本,速食麵式嘅偶像劇已經唔再係選項,佢更想要嘅係拍有價值嘅好作品。

 

命中注定無人愛?40歲陳喬恩要麵包棄愛情:「我要做一個有錢的孤獨老人」

「錦繡緣華麗冒險」呢套劇一時成為網民熱話,喬恩嘅出色演出獲大讚,而佢同劇中男二號喬任梁係多年好友。 

命中注定無人愛?40歲陳喬恩要麵包棄愛情:「我要做一個有錢的孤獨老人」

只可惜對方喺16年因為憂鬱症自殺身亡,年儘29歲,喬恩話好友的離去令佢深思生命嘅意義,一定要活在當下,開心就好。

做個有錢的孤寡老人

命中注定無人愛?40歲陳喬恩要麵包棄愛情:「我要做一個有錢的孤獨老人」

家庭生活成為世人判斷一個女人成功與否嘅最大因素,就算係女明星都逃唔過被審判嘅命運。就算你喺演藝事業上有幾成功,網絡判官們都會認為你冇家庭冇小朋友,係一個失敗嘅女人。面對呢種評論,陳喬恩啞口無言「為什麼你們要這麼在意我的私生活?」

 

命中注定無人愛?40歲陳喬恩要麵包棄愛情:「我要做一個有錢的孤獨老人」

喬恩質問網民,點解一個大齡未婚女性,話自己過得很幸福,大家都唔相信呢?事實上佢就非常享受一個人嘅感覺。好多女明星只會講自己有幾渴望家庭同小朋友,更表示只有擁有家庭人生先會圓滿,但陳喬恩老實坦白「我不喜歡小孩,我就是不喜歡,我寧願自己一個人。」

 

命中注定無人愛?40歲陳喬恩要麵包棄愛情:「我要做一個有錢的孤獨老人」

喬恩話媽媽希望佢有一個自己嘅小朋友,如果唔係以後老咗會變成一個孤寡老人,但喬恩絲毫唔驚,仲講笑話「我會是一個有錢的孤寡老人」。

 

命中注定無人愛?40歲陳喬恩要麵包棄愛情:「我要做一個有錢的孤獨老人」

相比起小朋友,喬恩更中意動物,屋企養咗貓狗同金魚,節目中佢又同北京一個阿姨去喂流浪貓,佢話自己好中意動物嘅純真。

命中注定無人愛?40歲陳喬恩要麵包棄愛情:「我要做一個有錢的孤獨老人」

陳喬恩見到身邊人紛紛結婚成家,佢話當時內心都有諗過要唔要做媽媽,但確實冇嗰種衝動。不過好友謝娜做咗媽媽之後,心裡面只有小朋友,的確令喬恩感到失落過。

命中注定無人愛?40歲陳喬恩要麵包棄愛情:「我要做一個有錢的孤獨老人」

如果按照大眾對好女孩嘅定義嚟生活,咁嗰個人就唔係陳喬恩嘞,喬恩話做人要對自己誠實啲,40歲嘅佢,係一個強大嘅女超人。獨居但唔孤獨,富有而且時刻感到幸福。

Text by NAGISA

Edited by Candy Chau

LOAD MORE