早前荷李活動作影星 The Rock 狄維莊遜（Dwayne Johnson）飛來香港為佢主演嘅新片《高凶浩劫》（Skyscraper）宣傳。電影宣傳活動上就連擔任主持的Do姐鄭裕玲也深深被他迷倒，拉著求合照，少女心大爆發。
登入 瀏覽本網站，可獲取積分換領專屬優惠
點擊查看專屬優惠
這位大隻佬魅力沒法擋，他更着住背心晒肌走入街市，引嚟唔少師奶眼金金望到佢實一實，照片放上網旋即瘋狂吸Like，成功為電影造勢！
爆肌身型加上喺電影入面總係比到人硬漢嘅感覺，The Rock 打過WWE（世界摔角聯盟）相信唔少Fans都知，不過原來佢私底下有好多反差萌位架！
Sweet爆暖男爸爸
迎接第三個BB嘅 The Rock，4月24日凌晨喺instagram發佈左一張抱住初生女嘅相，相中見佢溫 柔咁緊抱住初生女 Tiana Gia Johnson，加上柔柔嘅眼神，簡直隔住個Mon都閒到浸父愛味！
「Tiana Gia Johnson 就像是擁有著一股自然的力量一樣，世上每一位媽媽都像是個搖滾巨星般 辛苦付出，我這一生都被堅強、充滿愛的女人撫養、圍繞，在Tia出生後，又更難以表達這更高 一層的愛、尊敬和敬佩。」
佢亦不忘鼓勵各位準爸爸：「在生產時陪在另一半身邊是很重要的，盡你的能力表達你對她的支 持，哪怕是握著手、握著腿，如果你想感受生命中最有力量時刻，就看看你的孩子是如何出生吧 ！這除了會改變你的一生，也會讓你對女人更尊重和尊敬。」
公益愛心爆棚
咪睇佢粗粗曠曠，佢對公益活動可謂不遺餘力架。早喺2006年，佢就已經成立左“The Rock Foundation”將自己收入一部份捐比癌病兒童。
The Rock 唔單止提供金錢援助，更身體力行，固定每個月都去醫院陪病童玩，令人感受滿瀉嘅 鐵漢柔情。
為動畫配音喊到收唔到聲
話說The Rock早前幫動畫《魔海奇緣》（Moana）配音，點知當佢睇完套戲就爆喊！仲話：「 我唔只喊左一次，我幾乎係由頭喊到尾！」
佢話能夠參與套戲嘅配音，大概係佢從影以黎最令佢欣慰嘅事，因為角色唔單止同佢有相同血緣 ，成部電影都令佢回想起佢成長嘅家鄉夏威夷。
原來係搞笑高手
The Rock 喺2015年為左宣傳電影《狂野時速7》上左當紅嘅《Lip Sync Battle》表演，對上Night Show名咀Jimmy Fallon，雄糾糾嘅The Rock竟然揀左Taylor Swift嘅熱門歌《Shake ItOff》！佢全程七情上面，落足功夫，由於佢爆肌Man爆嘅形象實在太入屋，首歌嘅曲風同佢所造成嘅反差萌令場面非常爆笑！
另外，The Rock試過上佢嘅Night Show被逼食糖！佢除左長時間規律重量訓練外，仲包括嚴格 戒食零食就相信好多Fans都知。大隻雷雷嘅The Rock當時破戒食左自1989年以黎嘅第一粒糖， 兩人食完「爆炸糖」仲用支Mic收音，The Rock個樣就好似細路仔第一次食糖咁，現場觀眾笑死 之餘，個反差萌仲大到「爆炸」！
立即訂閱接收Cosmo最新潮流資訊
訂閱電子報，獲得更多資訊、體驗及禮遇