《原諒他77次》嘅續集《感動她77次》已經喺今年年初殺青，續集將會延續第一集蔡卓妍同周柏豪糾結嘅愛情故事，但就加入更多溫情、暖心嘅情節。而演員方面就有新成員加入，泰國人氣電影《暹羅之戀》以及《初戀那件小事》嘅男主角Mario Maurer於戲中將會介入阿Sa與柏豪的感情，譜出三角戀。港泰男神爭女看來是電影一大噱頭。
Senior Content Manager, Features
登入 瀏覽本網站，可獲取積分換領專屬優惠
點擊查看專屬優惠
《原諒他77次》續集
20117年暑假上映嘅愛情電影《原諒他77次》將年輕男女愛情中最糾結嘅片段細細刻畫展現喺觀眾眼前，蔡卓妍同周柏豪呢對簡直就係襯到絕嘅螢幕情侶。雖然阿Sa成日挑戰自己，嘗試各種階層同風格嘅女性角色同電影種類，但不得不說嘅係，都市戀愛題材同佢係最match。
齣戲迴響咁大，電影團隊又點可以會俾個故事停低，舊年宣佈開拍續集《感動她77次》，並且已經喺今年年初殺青，相信完成後續嘅製作工作之後，年內好快就會上映同觀眾見面。
周柏豪話新戲多咗好多感動位，呢對情侶由戀愛中嘅大小衝突，過渡到危機四伏嘅婚姻生活，結局仲可唔可以一如上集咁圓滿呢？
《感動她77次》電影預告
泰國男神加盟
喺新戲《感動她77次》中，除咗有第一集嘅男女主角蔡卓妍同周柏豪以及衛詩雅等原版人馬之外，泰國男神Mario Maurer亦有份參演。
現年30歲嘅80後泰國男神Mario Maurer 係泰國出世嘅中德混血兒，16歲做模特兒入行，曾主演多部泰國人氣電影，包括《初戀那件小事》、《愛在暹羅》 以及《嚇鬼阿嫂》等，來頭不少。
中德混血兒IG狂吸粉
Mario 係泰國數一數二的男神，Instagram 有成680萬粉絲，周柏豪都係得180萬咋！
難得嚟香港拍戲又點可以唔打卡呀。
仲喺香港拍埋Vlog添，不過小編一啲都聽唔明，有冇人可唔可以幫手翻譯中文字幕呀？
《感動她77次》係 Mario第一部參演嘅香港電影，同阿Sa合作得好開心，兩人亦相當合襯。
拍青春校園片成名
Mario拍過不少青春校園電影，在《愛在暹羅》以及《初戀那件小事》中的學生形象清秀，甚有鄰家男孩感覺，係唔少女仔心目中嘅初戀幻想對。
《初戀那件小事》被譽為高質校園片，曾有傳台灣電影《我的少女時代》都有參考該戲劇情。Mario飾演嘅阿亮學長令少女們神魂顛倒。
而他在同志電影《愛在暹羅》裏面飾演嘅阿Tong同樣煞食，青澀小鮮肉面孔男女影迷通殺。
平頭Look一樣殺食
Mario雖然係泰國人，但其實佢係中德混血兒，並冇泰國血統，所以佢嘅混血樣貌比一般嘅泰國混血兒更加精緻，而且更符合中國人審美眼光。小鮮肉時代嘅Mario五官無可挑剔，最簡單嘅平頭造型已經迷倒一大堆粉絲。
中年成熟男人味
長大後嘅Mario發福咗少少，雖然五官一樣咁殺食，但氣質同以前嗰個清秀嘅學長大為不同。
而家的Mario雖然笑容一樣咁sweet，但就多咗一份成熟男人味。
人到中年，可愛依然，私底下嘅Mario十足大細路。細細個就係古惑仔電影Die heart fans嘅佢，有機會嚟香港拍戲當然好開心，更抓緊時間四處玩，仲去旺角買玩具，阿Sa都讚佢可愛，同佢合作超級愉快。
港泰男神PK爭女
Mario參演《感動她77次》，喺戲中飾演周柏豪嘅最強情敵，阿sa最後情歸何處仲係未知之數，結局係點都只有等電影上映嘅時候去睇過先知喇。
如果你係阿Sa，又會點樣揀？
立即訂閱接收Cosmo最新潮流資訊
訂閱電子報，獲得更多資訊、體驗及禮遇