news

恩怨再升級!范瑋琪張韶涵開火句句有骨 互相指控破壞閨密情

恩怨再升級!范瑋琪張韶涵開火句句有骨 互相指控破壞閨密情

范瑋琪張韶涵呢對曾經嘅圈中好姊妹,因為講唔清嘅恩怨是非已經成為陌路人多年,最近又再舊事重提,張韶涵喺內地節目多次提到有人背叛佢同背叛友情,又再將佢同范瑋琪推返上輿論嘅風口浪尖。

by CC

恩怨再升級!范瑋琪張韶涵開火句句有骨 互相指控破壞閨密情

藝人鍾意拉幫結派,娛樂圈嘅姊妹都有真有假。又係朋友,又係競爭對手嘅友情可以保持幾耐?張韶涵同范瑋琪呢對曾經嘅好姊妹就已經俾咗答案大家。

恩怨再升級!范瑋琪張韶涵開火句句有骨 互相指控破壞閨密情

張韶涵同范瑋琪都係台灣一代天后級歌姬,師出同門,張韶涵比范瑋琪遲兩年出道,算范瑋琪師妹。而且張韶涵係以演員身份出道,佢嘅第一套電視劇《MVP情人》已經做到女主角,撞正台劇青春戀愛題材最hit嘅時候,呢套劇一播出反應火爆,張韶涵馬上行上走紅之路。

恩怨再升級!范瑋琪張韶涵開火句句有骨 互相指控破壞閨密情

《MVP情人》成功帶起當時年青人嘅籃球熱。

恩怨再升級!范瑋琪張韶涵開火句句有骨 互相指控破壞閨密情

之後爆紅嘅《海豚灣戀人》令張韶涵穩坐電視劇一姐寶座,佢喺劇中首次嘗試唱歌更令大家見識到佢嘅天籟之音,之後張韶涵就以歌手身份出道。

恩怨再升級!范瑋琪張韶涵開火句句有骨 互相指控破壞閨密情

憑住《公主小妹》張韶涵入圍金鐘獎最佳女主角。

恩怨再升級!范瑋琪張韶涵開火句句有骨 互相指控破壞閨密情

成為歌手嘅張韶涵比做演員更出色,第二隻專輯《歐若拉》已經有份入圍金曲獎,而佢嘅代表作《隱形的翅膀》更係紅遍亞洲地區,成為一代人嘅集體回憶。

恩怨再升級!范瑋琪張韶涵開火句句有骨 互相指控破壞閨密情

同張韶涵相比,范瑋琪嘅成績就冇咁顯眼嘞。當時埋頭寫歌嘅佢比較少拍電視劇,喺愛情劇大行其道嘅年代,單靠音樂作品確實冇咁容易出名,所以張韶涵好快已經趕超師姐。而呢個時候公司突然決定將佢哋打包出歌。

恩怨再升級!范瑋琪張韶涵開火句句有骨 互相指控破壞閨密情

喺《如果的事》入面張韶涵仲同范范行Lesbian路線,姐妹情大過天。

恩怨再升級!范瑋琪張韶涵開火句句有骨 互相指控破壞閨密情

但之後嘅結局大家都知道嘞,張韶涵因為心臟病返加拿大醫治,重返台灣之後俾自己親生媽媽屈佢拋棄母親同吸毒,形象插水,人氣盡失,更加被公司放棄。

恩怨再升級!范瑋琪張韶涵開火句句有骨 互相指控破壞閨密情

而好姊妹范瑋琪繼續推新歌,做主持人,混得風生水起。之後結婚生子,婚姻同事業都好圓滿。同張韶涵行緊嘅簡直係一條完全唔同嘅人生路。

恩怨再升級!范瑋琪張韶涵開火句句有骨 互相指控破壞閨密情

有人話張韶涵同范瑋琪隔席嘅原因係,自從《隱形的翅膀》爆紅之後,范瑋琪就非常妒忌師妹,而當張韶涵患病期間,范瑋琪乘機搶走張韶涵助理阿偉,令張韶涵非常憤怒。不過范瑋琪都曾經發微博暗示助理係因為同張韶涵合作唔愉快所以出走,並非自己“搶走”。

恩怨再升級!范瑋琪張韶涵開火句句有骨 互相指控破壞閨密情

雖然張韶涵澄清所有母親對自己嘅抹黑,但都難以彌補流逝嘅人氣同工作機會。佢近年努力內地混跡各大音樂綜藝節目,希望以歌手身份迴歸到大眾視線。同時又有傳話范瑋琪一直試圖搶資源,令張韶涵超唔爽,姊妹情終於化成灰。佢仲曾經試過直接發微博以“黑白狗”暗諷范瑋琪同老公陳建州。

恩怨再升級!范瑋琪張韶涵開火句句有骨 互相指控破壞閨密情

呢條微博一po出嚟,即可超多張韶涵fans跑去范瑋琪微博鬧佢,黑人都有幫反擊,不過時候張韶涵又解釋話微博同范瑋琪無關,鬼信咩!兩人依舊唔肯正面交鋒,始終都係你一言我一語含沙射影,又唔肯講明究竟因為咩事真正導致姊妹感情破裂。

恩怨再升級!范瑋琪張韶涵開火句句有骨 互相指控破壞閨密情

本來以為呢段恩怨都已經告一段落,最近張韶涵上內地一個辯論節目嘅時候又再舊事重提,依舊係唔開名,唔講發生咩事,但就話自己曾經被朋友所傷害過。

恩怨再升級!范瑋琪張韶涵開火句句有骨 互相指控破壞閨密情

而范瑋琪都坐唔住,突然將佢9個月前發嘅微博重新轉發出嚟,澄清自己冇背叛友情,兩個曾經嘅好姊妹手法都係一樣,一個話「我被朋友傷害過”,另一個馬上話“唔係我,唔關我事。」

恩怨再升級!范瑋琪張韶涵開火句句有骨 互相指控破壞閨密情

范瑋琪無端白事轉發以前條微博下面指責佢對唔住張韶涵嘅評論,仲強調我沒有背叛友情,明顯係對張韶涵節目上一番說話嘅回應。不過兩位當時人始終唔肯正面交鋒,fans睇到估下估下,又真係幾冇意思,希望有朝一日佢哋可以一五一十講清楚,等大家都知道邊個先係真正嘅受害者。

LOAD MORE