news

【2019豬年賀歲片】 王菀之擔正兩齣電影封新喜劇之后

【2019豬年賀歲片】 王菀之擔正兩齣電影封新喜劇之后

農曆新年做咩好?當然要買飛入場支持一下港產賀歲片!2019新年賀歲檔五大港產賀歲片之中,除了新舊「喜劇之王」周星馳與王祖藍派新作打對台之外,  王菀之喺兩齣電影中擔正做女主角,也是焦點之一,看來Ivana想向「新喜劇之后」呢個封號進發! 

by CC

新喜劇之后

2019豬年精選賀歲片 王菀之擔正兩電影封新喜劇之后

吳君如,楊千嬅…… 講起現時正宗香港喜劇女王,你會諗起邊個?無論你諗起邊個,千奇唔好忘記Ivana王菀之,之前憑「金雞SSS」已經攞過金像獎最佳女配角,另外亦曾憑「老表,你好hea!」攞亞洲電視大獎嘅最佳喜劇演員獎。

2019豬年精選賀歲片 王菀之擔正兩電影封新喜劇之后

冇錯!Ivana已經唔再係高冷歌手,轉型成搞笑天后嘅佢,今年賀歲檔兩齣港產喜劇片都份主演,雖然係喜劇,但風格各有不同,大家可以喺戲院欣賞到Ivana兩種唔同風格嘅表演喇!

擔正兩部賀歲片《如珠如寶》、《你咪理,我愛你!》

2019豬年精選賀歲片 王菀之擔正兩電影封新喜劇之后

喺《如珠如寶》入面,Ivana扮演一間老人院嘅看護,作為唯一嘅看護姐姐,Ivana要湊住吳耀漢,梁小龍,泰迪羅賓,恬妞,洪金寶五個老人家之外,又要同院長林敏驄一齊對付林雪同佢派嚟搞破壞嘅張繼聰同阿Bob。

2019豬年精選賀歲片 王菀之擔正兩電影封新喜劇之后

大家都知道Ivana嘅角色肯定唔止好似佢外表咁溫柔,乖巧,所以看護姐姐Ivana絕對戰鬥力超強。

2019豬年精選賀歲片 王菀之擔正兩電影封新喜劇之后

《如珠如寶》各個演員都自帶幽默屬性,又有鬼才林敏驄自導自演等多個吸引觀眾入場的原因,相信成齣電影睇落嚟觀眾一定笑爆肚。。據說《如珠如寶》中Ivana仲會同林敏驄合作寫一首電影嘅主題歌,Ivana fans係咪更加期待呢?

2019豬年精選賀歲片 王菀之擔正兩電影封新喜劇之后

 不過講到音樂元素,如果鐘意Musical嘢,另一部賀歲檔喜劇「你咪理,我愛你!」一定更加滿足到大家,事關呢部由王祖藍首次執導演筒嘅作品,係香港第一部港鏟歌舞電影,祖藍幾乎請咗半個娛樂圈嚟演,超過50位演員,其中包括毛舜筠、曾志偉、王菀之、鮑起靜、余安安、鄭秀文、容祖兒、謝君豪、岑麗香、白只、王浩信、詹瑞文、方力申、凌文龍、楊詩敏 (蝦頭)、湯怡等等,有13個獨立嘅故事。

2019豬年精選賀歲片 王菀之擔正兩電影封新喜劇之后

電影中Ivana將同方力申演同一個單元,「綁架丁丁噹」入面綁匪同肉蔘夠搞笑,唔知新戲佢哋又會有啲咩火花呢?

2019豬年精選賀歲片 王菀之擔正兩電影封新喜劇之后

Ivana同小方再合作,係好值得期待嘅組合。

其他港產賀歲片精選

2019豬年精選賀歲片 王菀之擔正兩電影封新喜劇之后

不過如果賀歲檔唔想睇喜劇想睇啲其他題材嘅電影?「廉政風雲:煙幕」一樣滿足你唔同口味,有張家輝,劉青雲,林嘉欣主演,影帝影后齊集,陣容夠強,麥兆輝導演,莊文強監製,品質保證,再加上熟悉嘅警匪犯罪題材,觀眾肯定覺得好難中伏,會想買飛入場。喺齣齣都係笑哈哈嘅喜劇片入面,話唔埋可以成功跑出,成為今年賀歲檔最大贏家。

2019豬年精選賀歲片 王菀之擔正兩電影封新喜劇之后

另外仲有「恭喜八婆」,有梁詠琪,又可以睇下彭浩翔請梁洛施出山會有咩新火花

2019豬年精選賀歲片 王菀之擔正兩電影封新喜劇之后

最後不得不提的當然是星爺新作《新喜劇之王》啦!打正旗號係要延續20年前《喜劇之王》 嘅咖哩啡故事,不過網上就有不少負面聲音,未睇就先批評電影由內地演員擔正,缺乏地道「港味」 ,到底星爺今次能否再創票房奇蹟,大家拭目以待。

LOAD MORE