母子戀咁爆？！《愛．回家之開心速遞 》傻強戀上熊尚善 毒男真身兩個樣

TVB處境喜劇《愛．回家之開心速遞 》收視有保證、長拍長有當然有它的原因。 劇情創新又抵死吸引了不少捧場客，亦成功打造了多對人氣CP！《愛．回家之開心速遞 》戀事多，繼姊弟戀（送水輝加大小姐）、疑似hehe戀（KC加Terry）、師生戀（朱凌凌加Miss Tong）以及長短腳之戀（熊若水加龔燁）等等之後，編劇又有新搞作，今次竟然埋下母子戀伏線，傻強戀上好兄弟媽咪熊尚善，毒男愛伯母咁激嘅情節，真係虧佢諗得出！ 

大學O camp一吻定情

一切都要由大學O CAMP講起。熊尚善（滕麗明飾）以學生身份參與大學迎新營，為咗同同學打成一片、拉近年齡之距，佢玩遊戲嗰時瞓晒身。

當中一個遊戲是要男女嘴對嘴食百力滋，結果熊尚善就拉埋做組爸嘅傻強一齊挑戰。熊尚善求勝心切，為咗贏，佢把心一橫索性咀埋落傻強度，以剩下最短百力滋得第一名！大家都以為傻強當堂俾Auntie咁激嘅舉動嚇到傻咗，但原來佢不知幾咁欣賞熊尚善主動出擊，暗暗對Auntie動了心。 

朋友媽咪走雞

為咗更進一步親近Auntie，展開追求，傻強自動請纓做Part time加入熊尚善嘅編劇團隊幫手寫網劇。期間佢地去咗一間柔道館做資料搜集期兼學習柔道。

練習過程中，傻強同Auntie有唔少身體接觸，傻強一下子抵擋唔可住，紅都面晒，場面相當搞笑。

同場的潮生（袁文傑飾）將一切看在眼裡，呷醋呷到出晒面！

其中有一幕，傻強更FF同Auntie一齊去日本男女共浴浸溫泉添！

傻強劇透醜鴨變天鵝

相比之下，傻強的母子戀似乎比朱凌凌（吳偉豪飾）的師生戀更爆更有趣，雖然觀眾明知熊尚善同潮生先係最真心的一對，不過都希望傻強追Auntie嘅故事可以繼續有下文，有得睇有得笑。 

劇中飾演傻強的馮奕森早前在Instagram亦疑似劇透，率先預告「醜鴨變天鵝」，莫非傻強會來個大變身吸引Auntie？

傻強真人不露相

馮奕森是2013年第27期無綫電視藝員訓練班學員，拍過唔少電視劇，以《愛．回家之開心速遞 》中傻強一角最為人熟悉。齊蔭、矇豬眼加厚Dup Dup黑框眼鏡，劇中十足毒男一個，那劇外真實形象又會是怎樣？

猜不到反差會這麼大吧！完全是另一個人。

現實中的傻強貪靚姿整，愛打扮，從他的自拍照也看得出來。 

《愛．回家之開心速遞 》金城安 （周嘉洛）、朱凌凌（吳偉豪）、傻強（馮奕森）以及阿壯（焦浩軒）四子私底下感情亦很好。