news

【逃稅風波】轉型做網紅 靠做公益翻身?范冰冰神隱7個月開始為復出鋪路

【逃稅風波】轉型做網紅 靠做公益翻身?范冰冰神隱7個月開始為復出鋪路

紅極一時嘅37歲內地女星范冰冰舊年因為被爆出8億逃稅風波,瞬間從娛樂圈中銷聲匿跡。 久未露面嘅冰冰早前被拍到出現喺娛樂公司華誼兄弟老總王中磊嘅生日宴會上,疑似為復出鋪路,之後又有外國電影透露冰冰如常參與電影拍攝。直到日前,冰冰又被網友野生捕獲,喺西藏大昭寺祈福,另一邊廂微博亦有同步宣傳呢個公益活動。近排冰冰喺公眾面前出現嘅次數越嚟越多,雖然工作室方面宣稱冰冰仍然未有復出計畫,但唔少冰冰粉絲都認為呢啲都係冰冰再戰娛樂圈嘅前奏,亦非常期待佢哋嘅偶像浴火重生,王者歸來!

by Candy Chau and NAGISA

【逃稅風波】轉型做網紅 靠做公益翻身?范冰冰神隱7個月開始為復出鋪路

范冰冰最近為公益項目拍攝宣傳照片

曾經係內地影視界數一數二嘅當家花旦范冰冰,因為被主持人崔永元爆出逃稅,被政府勒令繳納,補交8.8億人民幣嘅稅金,新聞一出曾震驚全球,冰冰18年10月喺微博發道歉信,承認逃稅之後就銷聲匿跡,從大眾視野中消失。連之前拍落嘅,號稱耗資1億人民幣製作嘅電視劇「 巴清傳」都俾電視台壓箱底,基本唔知幾時先會攞出嚟播。但最近有網民發現,冰冰近排現身公眾視野嘅次數慢慢變多,疑似為將來復出鋪路。

借弟弟打頭陣 新年曬合照

【逃稅風波】轉型做網紅 靠做公益翻身?范冰冰神隱7個月開始為復出鋪路

范冰冰弟弟范丞丞

范丞丞現時受到內地年輕一代嘅關注,絕對唔會比姐姐少。今年農曆新年嘅時候,范丞丞就喺微博曬出一家四口嘅合照。

【逃稅風波】轉型做網紅 靠做公益翻身?范冰冰神隱7個月開始為復出鋪路

其中范丞丞同范冰冰兩姐弟嘅合照一時成為網民熱話,相中范冰冰雖然素顏但皮膚非常好,可見神隱咗一段時間嘅冰冰一直休息得唔錯。

【逃稅風波】轉型做網紅 靠做公益翻身?范冰冰神隱7個月開始為復出鋪路

微博中丞丞仲將冰冰稱為妹妹,網民都紛紛稱讚冰冰睇落同丞丞好似同齡人一樣。

【逃稅風波】轉型做網紅 靠做公益翻身?范冰冰神隱7個月開始為復出鋪路

姐弟同心,范丞丞落力為姐姐復出鋪路,仲叫姐姐做「妹妹」,又話姐姐非常注意佢嘅皮膚保養。

小紅書做網紅搏翻生

【逃稅風波】轉型做網紅 靠做公益翻身?范冰冰神隱7個月開始為復出鋪路

冰冰曾經非常鐘意喺微博分享自己嘅生活瑣事,但逃稅風波一出,成為千夫所指嘅冰冰,已經甚少發微博,更新內容幾乎全部都同公益同社會新聞有關。但唔少細心嘅粉絲發現,其實冰冰一早就喺另一個社交小紅書繼續同大家分享愛用品同美容護膚心得。

【逃稅風波】轉型做網紅 靠做公益翻身?范冰冰神隱7個月開始為復出鋪路

雖然因為逃稅問題冰冰嘅小紅書帳號都曾經跟住停用過一陣子,不過好快又恢復更新。唔少fans都大感驚喜。其實冰冰曾經係小紅書最受歡迎嘅博主之一,更被封為一代「帶貨女王」,佢分享嘅愛用品幾乎都會賣斷貨。

【逃稅風波】轉型做網紅 靠做公益翻身?范冰冰神隱7個月開始為復出鋪路

而且小紅書嘅用戶多數為年輕女性,相對於微博嘅一眾「憤青」,對於逃稅呢件事亦睇得冇咁重,所以宜家冰冰迴歸小紅書,一眾fans肯定都會繼續支持偶像。

熱心公益改善公眾形象

【逃稅風波】轉型做網紅 靠做公益翻身?范冰冰神隱7個月開始為復出鋪路

冰冰出席王中磊生日晚宴

早前有新聞爆出冰冰參加華誼兄弟老闆王中磊嘅生日聚會,有消息西方間諜片「355」成功邀請到范冰冰拍攝,而呢部電影正係華誼兄弟有份投資,所以好多人都猜測冰冰出席宴會係為複出鋪路。但冰冰工作室就簡單回應話冰冰只係參加朋友嘅私人晚宴。複出一事仲未計畫好。不過亦有消息指華誼已經因為冰冰嘅參演而撤銷投資。成件事依然撲朔迷離。唯一可以知道嘅係多方面嘅證實冰冰已經確認接拍電影,睇嚟呢次冰冰有復出嘅準備嘞。

【逃稅風波】轉型做網紅 靠做公益翻身?范冰冰神隱7個月開始為復出鋪路

喺復出之前,冰冰都繼續打好熱心公益嘅人設牌,爭取改變之前嘅公眾形象。

【逃稅風波】轉型做網紅 靠做公益翻身?范冰冰神隱7個月開始為復出鋪路

不斷有網民影到冰冰為支持自己發起嘅公益計畫,親自去到西藏,更有人影到冰冰喺西藏嘅大昭寺祈福,唔知冰冰係咪祈求自己複出之後一切順利呢?

【逃稅風波】轉型做網紅 靠做公益翻身?范冰冰神隱7個月開始為復出鋪路

冰冰工作室同粉絲團不斷喺網上流出冰冰近年參加嘅公益活動,忙於洗白自己嘅冰冰似乎真係為復出密密鋪路中。

LOAD MORE