【前世情人】地獄廚神Gordon Ramsay都夠膽鬧?世上應只得佢......

今年52歲嘅英國名廚Gordon Ramsay,可能係世界上最出名嘅廚師。鬧人鬧到出哂名嘅佢,我諗都冇人會唔識佢嫁啦,就算冇睇過佢煮野食,都會見識過用粗口鬧人嘅功力。點勁法?佢喺「我要做廚神」入面,鬧參賽者鬧到俾人叫「地獄廚神」,就知佢有幾惡死啦。不過,「地獄廚神」都有佢鐵漢柔情嘅一面,就好似鬥獸棋入面,老鼠都可以食番大笨象。番到屋企,就有三個前世情人食住佢。

By COSMO

廚神大家庭

廚神大家庭

Gordon Ramsay同結咗婚21年嘅老婆Tana Ramsay總共生咗4個仔女:19歲嘅大女Megan、18 歲嘅孖生Jack同Holly同埋16 歲嘅Matilda。而串得Gordon最勁嘅,莫過於花名叫"Tilly"嘅細女Matilda。佢唔單只講野好叻,仲繼承咗爸爸嘅衣缽,喺CBBC有自己嘅料理節目。

廚神:唔好講粗口

廚神:唔好講粗口

Gordon Ramsay講笑咁話,喺屋企嘅廚房,都係細女兒 Matilda 串佢,雖然Gordon喺節目上面成日都叫啲參賽者「f**k off」。但私底下,Gordon其實一直都教仔女唔好講粗口:「我由佢地細細個就開始教,節目啲粗口係玩下嫁咋,千祈唔好學。」但廚神都係阻唔到女兒學到佢連珠炮發嘅粗口。

老豆 f**k off

老豆 f**k off

喺上年Jack同Holly嘅18 歲生日party,Gordon走咗入Matilda 揸fit嘅廚房,忍不住問佢:「Matilda,你搞唔搞得掂呀?」(Are you OK Matilda?)不過Matilda一啲面都唔俾老豆,直接串佢:「老豆,係時候死番出去!」(it's time to f**k off now.)Gordon聽到Matilda扮自己鬧人就得啖笑

事實上Matilda 一直都係Gordon嘅剋星,時不時都會見到Matilda喺節目串爆老豆,搞到平時粗口成文嘅「地獄廚神」都成隻死狗咁冇聲出,個情景非常有趣。

LOAD MORE