editing

冧爆嫁鄭嘉穎!「少婦聯盟」 陳凱琳最快跑出,下個到邊個?

冧爆嫁鄭嘉穎!「少婦聯盟」 陳凱琳最快跑出,下個到邊個?

27歲港姐冠軍陳凱琳(Grace)琴日於峇里與拍拖3年嘅視帝鄭嘉穎結婚,於海天一色靚景下舉行浪漫婚禮,場面Sweet到爆!陳嘉寶與賴慰玲親身見證老友加入人妻行列,而Grace亦成為與《平安谷之詭谷傳說》好姊妹譚凱琪、沈卓盈及龔嘉欣組成嘅「少婦聯盟」中,最先跑出嘅一個,到底嚟緊邊個最有機會封盤呢?


「少婦聯盟」
「少婦聯盟」

譚凱琪

譚凱琪

擁有無敵童顏嘅36歲譚凱琪(Zoie)曾與丁子高拍拖,與現任富貴男友莊日宇(Enrico)就已經蜜運3年,於男方購入約1,409萬嘅畢架山豪宅同居外,月前更被影到駕駛男友家族名下嘅靚車外出,感情穩定仲入晒屋,上年更一度傳出男方求婚成功,雖然Zoie事後否認,但就坦言:「我哋係朝着呢個方向計劃嘅。」睇嚟最快有好消息!

Zoie出得廳堂亦入得廚房

Zoie出得廳堂亦入得廚房,曾與Grace為老人家焗曲奇餅,愛心爆棚,勁「gfriendable」!

沈卓盈

沈卓盈「沈大師」

34歲嘅「沈大師」沈卓盈桃花勁旺,先後與飛機師、金融才俊及富二代等拍拖,近年撻著做內衣褲內衣褲出口生嘅筍盤男友Calvin,曾自爆家人罕有大讚男友,而佢亦多次於社交網放閃,分享Calvin下廚照顧患病嘅佢,勁嫁得過,佢更曾坦言二人對感情都好專一,有結婚共識,一切就睇Timing,相信都好快拉埋天窗!

沈卓盈素顏

沈卓盈有天使面孔與魔鬼身材,平日素顏示人亦都唔輸蝕,相信做咗師奶都仍然索爆!

龔嘉欣

龔嘉欣

28歲嘅龔嘉欣入行多年僅公開承認過同鄧健泓拍拖,不過緋聞男友就有一大籮,分別傳過撻著許家傑、沈震軒、吳業坤與張振朗等,幾年前一度傳過與富二代陳世俊同居兼有望少奶奶,但戀情最後無疾而終,上年年底自言忙到無時間搵個男友,去到今年3月終於自爆有「了解中」嘅圈外人對象,似乎未有咁快做人妻喇,除非玩閃婚爬頭啦!

龔嘉欣元宵都係與姊妹齊齊過

龔嘉欣緋聞對象多籮籮,不過多數無下文,今年元宵都係與姊妹齊齊過!

同場加映:陳嘉寶賴慰玲組「少奶聯盟」?

陳嘉寶賴慰玲組「少奶聯盟」

除咗「少婦聯盟」,陳凱琳於圈中仲有兩個好姊妹,就係《殭》嘅拍檔陳嘉寶(Anjaylia)同賴慰玲,兩女都有去到峇里觀禮,而同樣於去年做人妻嘅二人就分別嫁咗富貴滑水教練黃頌祈及舞台劇演員梁子峰,加埋Grace可組成「少奶聯盟」!賴慰玲去年年底更生埋囝囝梁進也,搶先做媽媽,未知盛傳佗B行禮嘅Grace會唔會好快趕上,同好姊妹傾湊仔經?

陳嘉寶與老公
賴慰玲與老公
LOAD MORE