feature

【香港人都未必去過!】 王祖藍推介 《你咪理,我愛你! 》8大取景地標 睇戲發掘新hea點

【香港人都未必去過!】 王祖藍推介 《你咪理,我愛你! 》8大取景地標 睇戲發掘新hea點

個個都想去旅行,你估個個都有錢去旅行咩?撞正公眾假期 ,好似農曆新年呢啲旺季就更加唔使諗,日本都分分鐘貴幾倍先去得成。不過留港度假係咪就注定悶爆?咁又未必。今年賀歲片特別多,入戲院支持下港產片都係唔錯嘅選擇。王祖藍自導自演嘅《你咪理,我愛你!》係其中誠意作之一,動用60多位藝人朋友上演連場歌舞,另外取景地點也特別花心思,大部分連香港人都未必去過。趁著假期就跟着電影足跡走走 ,齊齊發掘香港新「hea」點 。 


【香港人都未必去過!】 王祖藍推介 《你咪理,我愛你! 》8大取景地標 睇戲發掘新

祖藍為首次執導的歌舞賀歲片《你咪理,我愛你!》出心出力,連取景地點也相當講究,大賣港式情懷。 祖藍希望觀眾睇完套戲,以後唔使搭飛機,都可以喺香港搵到靚景鬆吓、抖吓同享受吓。

電影預告片。

景點1. 伯大尼演藝學院古蹟校園

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

於1873年到1875年間落成,設計布局對稱,走新哥德式建築風格。整幢建築以小教堂最具特色,樓底高且色調和諧,配以藝術感十足的彩畫玻璃,構成美麗又莊嚴的畫面。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因: 

王祖藍:「呢套戲有幫演藝學院籌款,所以我都想搵番相關嘅地方做場景。咁啱有場結婚戲,我哋成個團隊想拍出《修女也瘋狂》嘅感覺,所以就揀咗呢間設計得好靚、又好有異國風情嘅地方。」

景點2. 大埔海濱公園

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:

為香港面積最大公園,是康文署特定六個可舉行婚禮的康樂場地之一。園內的香港回歸紀念塔為重要圖標,不但外觀美麗,塔上更能俯瞰大埔海濱公園全景,及遠眺八仙嶺、馬鞍山。由於四周境色優美,該公園亦是遊客或香港人踩單車親親大自然好去處。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「我係大埔街坊,我亦知道好多香港人都唔太知道海濱公園原來係咁靚嘅。所以作為大埔街坊嘅我,今次好想將大埔靚嘅景點介紹畀大家。海濱公園無論回歸塔定係海邊,個景色都係超正,其實好難得香港有個咁靚嘅公園。同埋同祖兒喺呢度拍特別有感情,因為隔住個吐露港,就可以望到以前我哋嘅屋企-馬鞍山。」

景點3. 山頂公園

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:
1868年落成,位於太平山山頂,視野包括薄扶林水塘、大嶼山及南丫風采發電站,是一家大細登山好選擇。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

前身是港督別墅的山頂公園,藍白色調歐陸式建築,加上遼闊草坪,亦是文青及偽文青前往打卡不二之選。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「呢個都算係一個隱世嘅打卡好介紹,感覺上平時去嘅人唔多,不過TVB有時會喺嗰度拍外景,就係貪佢少人;除咗獅子亭,草地嗰邊真係冇乜人去。加上我哋想搵一個好Free、好靚、好有園藝布置嘅地方拍結婚戲,呢度真係好適合。」

景點4. 油麻地百老匯電影中心

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:

於1996年11月開幕,是香港少數會播映非主流電影的商業戲院。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

戲院旁的Café更是文青及偽文青喜愛聚腳的地方,皆因店內佈滿藝術氣息;提供大量書籍、影碟及唱片等文化食品,推動藝術及文化創作。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「呢度相信唔使我講,好多人都知係文青蒲點架喇。呢場戲講嘅係一個『麻甩仔』,想追求女文青嘅故仔。所以要喺呢啲咁文青嘅戲院,先能夠反映到佢哋對電影品味嘅落差。」

景點5. 海洋公園

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:
於1977年開幕,是世界級海洋動物主題公園。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

2012年11月,獲國際遊樂園及景點協會博覽會(IAAPA)頒發頂尖榮譽大獎「2012 Applause Award」(全球最佳主題公園),是適合一家大細遊玩的地方。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「因為呢場戲係講毛毛姐同安安姐分別約咗謝君豪同詹瑞文食飯,但我唔想好傳統咁搵間餐廳拍就算,我驚出嚟效果會悶,所以我想搵一間靚嘅餐廳。初初我以為只有杜拜先有水族館餐廳,原來海洋公園都已經有,咁實在同場戲perfect match,結果成場戲拍出嚟都好有美感。至於室外嘅戲份,其實我係想帶出男人係『長唔大小朋友』嘅呢個信息,所以我搵咗好多機動遊戲做背景,而出嚟嘅效果亦正正係我想要嘅嘉年華會feel。」

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:

金魚長相及色彩耀眼,是香港人多年來至愛。該條街的特色,是一眾店家會將販賣的魚仔放在注入了氧氣的透明塑膠袋內,並一排排掛在店外讓顧客選購,從而構成一幅美麗的畫面,感覺猶如繁華鬧市中的「水族館」。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「嗰場戲係發生喺電競場嘅,咁我哋揀咗旺角嘅電競場。但我又同時好想sell吓香港嘅靚景,咁我發覺其實好多外國人都好鍾意影金魚街,不過香港人可能因為習以為常,大家好似唔多覺得金魚街有乜特別。所以我想將呢個地方,好似景點咁推介畀更多人知道。」

景點7. 鏞記酒家

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:

始創於1942年,曾於1968年被美國《財富雜誌》選為世界15大食府之一。而於1974年增設的龍鳳大禮堂,更是豪花280萬港元,由北京專造寺院木雕的師傅參照故宮設計打造,既富中國傳統特色,亦極盡視覺藝術。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

該禮堂以「雙龍柱在前,雙飛鳳在後」為特色,並象徵著各式各樣的好意頭。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:

王祖藍:「好開心攞咗鏞記酒家嘅第一次,佢真係第一次借畀人拍架。佢裏面嗰對鍍金嘅雕龍雕鳳係人手雕出嚟,加上依家香港剩番嘅龍鳳酒樓真係唔多,我覺得好珍貴。同埋我想用『龍鳳』同『雙喜』,帶出呢pair父母係幾咁期待自己嘅仔女可以成家立室。」

景點8. 鴨靈號

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

特色:

代表著香港歷史的鴨靈號,擁有逾百年歷史,見證維港兩岸變遷,無論外表及歷史意義均帶著一份香港情懷。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

現為著名觀光船的鴨靈號,是遊客遊覽維港美景的不二之算。

【香港人都未必去過!】 王祖藍推介 《你咪理,我愛你! 》8大取景地標 睇戲發掘新

取景原因:
王祖藍:「好多遊客都好鍾意鴨靈號,因為覺得佢代表到香港,加上旅遊局都係用呢個做標誌。但反而香港人唔係成日坐鴨靈號,所以我都係好理想咁,希望將鴨靈號靚嘅一面拍出嚟,令到香港人重拾番呢種屬於我哋香港人嘅寫意同情懷。」

《你咪理,我愛你!》電影片段。

LOAD MORE