feature

《牛下女高音》黃心穎淪落做大茄轉行做地產?盤點10個絕跡娛樂圈的前明星

《牛下女高音》黃心穎淪落做大茄轉行做地產?盤點10個絕跡娛樂圈的前明星

自從4月,黃心穎被踢爆偷食天后人夫許志安之後,形象插水式破產,從此避走美國人間蒸發,不過就有傳佢留喺美國轉行做地產。其實娛樂圈看似精彩,但都唔係個個都撈得掂。咁撈唔掂,又要生活嘅情況下,就冇得唔轉行,不過其實轉行可能撈得更掂,好似以下呢班明星咁!


上位花旦變地產妹:黃心穎

《牛下女高音》黃心穎淪落做大茄轉行做地產?盤點10個絕跡娛樂圈的前明

黃心穎喺TVB本來上緊位,啱啱拍好嘅《堅離地愛堅離地》、《丫鬟大聯盟》、《牛下女高音》全部都係女一,點知因為佢所有劇集都危危乎。本來由女一淪落成大茄嘅佢,加上香港網民對佢大為反感,時至今日都仲未平息到怒火,難怪心穎心灰意冷,寧願留喺美國改名Rachel並轉行做地產!

《牛下女高音》黃心穎淪落做大茄轉行做地產?盤點10個絕跡娛樂圈的前明

早排因為黃心穎而受影響嘅新劇《牛下女高音》就被安排做台慶劇,但喺近排播緊嘅電視宣傳片入面就接唔多見到黃心穎!

魚蛋皇后:譚小環

《牛下女高音》黃心穎淪落做大茄轉行做地產?盤點10個絕跡娛樂圈的前明

譚小環貴為1994年港姐冠軍,當年受歡迎嘅程度絕對可以媲美「四大天王」,但日子耐咗,佢反而漸漸淡出娛樂圈,近幾年,就轉行去咗賣港式地道小食,仲賣到街知巷聞,好好生意,且收入比當演員時仲高!

世界傑出華人:陳妙瑛

《牛下女高音》黃心穎淪落做大茄轉行做地產?盤點10個絕跡娛樂圈的前明

同樣係港姐出身嘅陳妙瑛,曾與關詠荷、蔡少芬、宣萱及郭可盈被封為TVB九十年代末「五大花旦」,佢嘅代表作非常之多,《無頭東宮》大家冇睇過都一定有聽過!不過佢都絕對係明星轉行人士之中最成功嘅例子之一喇!陳妙瑛2002年離開TVB之後,建立咗佢嘅健康、飲食、美容事業王國,變身商界女強人,仲曾獲美國加州哈姆斯頓大學頒授榮譽博士學位及世界傑出華人獎,身家唔洗數,都係勁!

前上市公司主席:張玉珊

《牛下女高音》黃心穎淪落做大茄轉行做地產?盤點10個絕跡娛樂圈的前明

張玉珊曾經喺TVB演過大大小小劇集,《騙中傳奇》入面嘅刁蠻張寶兒,確實深入民心,而且當年佢可謂靚絕娛樂圈,四大天王嘅MV佢都有出演過,但佢偏偏唔留戀喺娛圈,反而創立美容上市公司,當年幫欣宜減肥,到今時今日都仍然為人津津樂道。現年44歲嘅佢,已經退休享受人生了!

台灣牛肉麵老闆娘:傅珮嘉Maggie

傅珮嘉Maggie係香港著名嘅唱作歌手,10級的鋼琴造藝,歌藝了得,佢首《絕》大家當年去K房必點,可惜事業去到樽頸,難覓突破,所以毅然放低事業出走香港到台北,點知就喺嗰陣邂逅到而家嘅台灣老公,仲將台灣牛肉麵引入香港。

兒童節目主持變生意王:伍文生

《牛下女高音》黃心穎淪落做大茄轉行做地產?盤點10個絕跡娛樂圈的前明

文生哥哥喺兒童節目入面最令人印象難忘就係喺短劇中扮演「吱吱鼠」,不過佢冇留戀做兒童節目,05年同圈外女友結婚,一度移民澳洲,近年就回流返香港。而家生意做得好大,分別有餐廳、三文治外賣、3間特許經營權餐廳,仲有婚禮統籌服務公司,可謂八足咁多爪!

生煎包王子:蕭潤邦Oscar

曾經喺樂壇都叫做過下歌手嘅蕭潤邦,大家可能唔記得佢唱過乜歌,但就一定記得佢間生煎包!當年樂壇開始冇咁蓬勃,養唔到好多歌手,而蕭潤邦冇做歌手就離開香港去上海,由低做起學整生煎包。冇人工學師兩年,由搬麵粉,到搓麵粉,真係落手落腳做生煎包,難怪今時今日賣到風山水起,成行成市,短短9年已經喺香港擁有五間分店,仲娶到個靚老婆返嚟!

名店Sales:劉思惠

《牛下女高音》黃心穎淪落做大茄轉行做地產?盤點10個絕跡娛樂圈的前明

英皇前小花——3T成員劉思惠Maggie,比起其他兩位成員Yumiko和Mandy蔣雅文嘅發展冇咁理想,索性退出娛圈做個平凡人。跟英皇解約後曾跟友人與尖沙咀開設時裝店,但已結業,後來又去中環名牌鞋店做sales,不過而家嘅佢已經結婚生仔,一家三口十分溫馨。

明星御用瑜伽老師:鍾麗淇

《牛下女高音》黃心穎淪落做大茄轉行做地產?盤點10個絕跡娛樂圈的前明

鍾麗淇90年代活躍TVB,佢拍過嘅《刑事偵緝檔案III》、《鑑證實錄》等等都係經典,不過2004年後就轉行做瑜伽老師,好多名人明星都跟佢學做yoga,非常出名!近年就結咗婚,仲生咗兩個女女,回歸平淡。

保險高層再開車仔麵店:鄧一君

《牛下女高音》黃心穎淪落做大茄轉行做地產?盤點10個絕跡娛樂圈的前明

童星出身嘅鄧一君大家一定睇過佢嘅電影,包括《縱橫四海》、《記得...香蕉成熟時》又或者電視劇《美味天王》、《烈火雄心》、《金裝四大才子》等等,絕對係深入民心!不過可能因為太早成名,之後一直冇突破,加上一張娃娃臉導致成年後戲路太窄,一直紅唔起。29歲就決定退出娛樂圈後繼續學習,唔單止拿到了碩士學位,仲完成咗財務策劃師嘅課程,轉戰保險業!短短十一年間他已擢升為高級財務策劃師兼分行經理,如今仲投資開車仔麵店,有妻有女有事業,幸福滿瀉。

LOAD MORE