《如懿傳》緊隨其播放，反應亦不錯。
當年家家戶戶都睇過嘅《還珠格格》，可以話係無數人心中經典之中嘅經典。
開播20年，到宜家都仲有內地電視台喺度播緊，而且收視依舊相當可觀，足以撼贏唔少新嘅大製作電視劇，可見還珠威力有幾咁強勁！
當年小燕子紅透整個華語影視圈，試問世界各地有邊個華人唔知小燕子趙薇？
喺早前召開嘅一個發布會上，瓊瑤宣稱新版嘅還珠格格將會以「年青人喜愛的方式」嚟翻拍，何為年青人喜愛嘅方式呢？瓊瑤解釋話即係除咗拍劇之外，仲有動漫，有遊戲等嘅關聯嘅產品退出。但係呢個消息一出，真係冇咩年青人buy呀，個個都話「瓊瑤奶奶求你放過我們的童年吧！」
經典真係好難再複製，你去邊度再揾返似樣嘅小燕子，紫薇同金鎖？
還珠翻拍消息出咗無耐網上已經有選角名單流出，小燕子，紫薇同五阿哥爾康四位主角嘅人選分別係楊紫，張馨予，王鶴棣同佟夢實。
可能對於我哋香港人嚟講，最熟悉嘅應該只有張馨予啦，佢就係啱啱同特警結婚嘅吳卓羲前度。
張馨予個樣太過妖艷，身材又火辣辣，美則美矣，處處都充滿攻擊性，點睇都同善解人意，與世無爭嘅紫薇毫無關聯呀！
新小燕子楊紫係童星出身，演過唔少古裝絕世美女嘅角色，演技喺眾多新生代小花中算唔錯，但係楊紫嘅靚偏沉穩，少咗小燕子嗰份嬌俏呀！
喺觀眾心中小燕子永遠喺眼大大又懵懵哋嘅趙薇。
網傳新版五阿哥係由小鮮肉王鶴棣飾演，即係係新版流星花園F4嘅言承旭。王鶴棣小弟弟係小鮮肉一名，拍劇得個樣夠chock，演言承旭就話可以勉強過關，但五阿哥嘅成熟大氣，對住小燕子嗰份包容，真係唔多睇好。而且咁樣一嚟小燕子同五阿哥即刻變姊弟戀，OMG
只有25歲嘅佟夢實感覺係一個行硬漢路線嘅小鮮肉，個樣係胡歌同張涵予結合版，辨識度唔高。據說之後仲會演新版神雕俠侶嘅楊過。
成份名單中最令人O嘴嘅係容嬤嬤嘅扮演者竟然係戴春榮，即係原版還珠格格中嘅皇后？咩話居然要皇后娘娘紓尊降貴演容嬤嬤？唔知戴春榮係演容嬤嬤惡啲，定係演皇后娘娘惡啲呢？
不過份名單仲未有官方確認係最終選角嘅結果，雖然經典翻拍毀原作多過超越原作，不過都係希望瓊瑤女士再三斟酌，唔求有驚喜，只求唔好令大家太失望呀！
