【錯配CP？】《延禧攻略》秦嵐撻著王冠逸？皇后現實中的男朋友竟然是海蘭察？

日前喺內地播完嘅電視劇《延禧攻略》獲得150億點擊率嘅好成績，係今年最受歡迎嘅電視劇之一，除咗劇情緊湊之外，劇中人物關係都係看點之一，其中秦嵐演嘅皇后性格善良，但結局悲慘，自殺一幕真係睇到人心都痛埋。劇中皇后同皇帝陰陽相隔成為觀眾遺憾，但現實中皇后竟然和劇中的海蘭察是一對！

1981年出世嘅秦嵐曾經同內地演員黃曉明，導演陸川拍過拖，兩段戀情都係無疾而終。

有傳37歲嘅秦嵐終於揾到真命天子！對方竟然係《延禧攻略》中扮演海蘭察嘅王冠逸！傳言一出大家當然非常震驚！事關呢兩個人係幾時係一齊嘅大家一啲蛛絲馬跡都揾唔到，真係收得好埋！

海蘭察喺劇中同皇后身邊嘅宮女明玉係一對，仲被大陸網民稱佢地係大嘴猴夫婦，因為兩人都係口大大，笑容非常燦爛嘅一對。

可惜大嘴猴夫婦最後都係悲劇收場！明玉自殺一幕唔少觀眾都話睇到喊呀！

王冠逸同明玉嘅扮演者姜梓新現代硬照都同樣合襯！

但之前傳媒影到秦嵐同王冠逸嘅機場相，兩人有講有笑，舉止親密，CP感十足！一時被傳佢地戲假情真撻著！

王冠逸1988年出生，新加坡人，畢業於皇家墨爾本大學，係名副其實嘅高富帥，比秦嵐細7歲，呢對姐弟戀令好多人都好驚訝！

王冠逸傳出同皇后撻著，大家當然祝福啦！但係之前王冠逸po嘅騷肌私照俾好多網民話佢似gay，不過其實都係得個講，冇乜真憑實據。

但早前秦嵐接受訪問時就話王冠逸只係同門師弟，只係大家諗多咗！

秦嵐話宜家自己仲係單身！佢又話，延禧播出之後多咗人認識自己同鐘意自己，希望都可以借劇集可以快啲遇到Mr.Right, 原來又係一場誤會，各位延禧女孩男孩都係為皇后娘娘送上祝福，祝佢早日揾到真命天子啦。