《延禧攻略》皇后劇裡劇外反差大 凍齡熟女似少女 揭開秦嵐真實鬼馬一面！

《延禧攻略》中每個角色都咁出彩，溫柔善良但處境悲慘嘅皇后富察容音更係令觀眾睇到心痛。但原來皇后嘅扮演者秦嵐性格同皇后正好相反，係個古靈精怪嘅女仔！

講到皇后，唔少宮鬥劇都裡面嘅皇后都係扮演一個奸人嘅角色，比如《甄嬛傳》，《還珠格格》，《白雪公主》等等，但喺熱播內地網劇《延禧攻略》中嘅皇后富察容音，就係一個溫柔，善良嘅角色，佢深愛皇上，嚮往自由但又被深宮禁錮，恪守本分，呢個角色集悲情同美好於一身，被皇上所深愛，但係結局又好悲慘。

演皇后嘅秦嵐真係將呢個角色演得非常好。皇后生活樸素，唔鐘意金銀珠寶呢類華貴飾品，所以劇中皇后都係用絨花作為頭飾。

劇中有好多經典場口，比如皇后同皇上恩愛的點滴，皇后同女主角之間嘅主僕情，皇后呢個賢良淑德嘅形象真係被秦嵐演活咗，大家都話秦嵐就係皇后本人！

秦嵐仲喺微博po過一輯生活相，少女感十足嘅佢點睇都唔似係1981年出生，今年已經37歲！

但係萬萬估唔到，秦嵐喺片場嘅花絮被放出嚟，令觀眾大跌眼鏡啊！

嘩！皇后個口開到咁大！你啲儀態去嗮邊啊！

咁得戚，呢個氣勢似江湖大嫂多啲。

原來皇后去跳樓嗰時咁開心，真係枉費觀眾為你流咁多眼淚啊。

秦嵐自己都點讚咗呢條微博，原來佢都自認係個咁古靈精怪嘅女仔！

好多粉絲睇完呢幾張相，都話更加鐘意秦嵐！事關佢溫柔賢淑同內裡精靈可愛嘅反差實在太討喜啦！真係諗唔到皇后劇裡劇外都咁得人鐘意。