視帝好難揀!馬國明vs王浩信 你投邊個?

無綫今年50周年台慶「萬千星輝頒獎禮2017」,當中最受注目嘅獎項,當然係「最佳男主角」啦。提名名單包括《踩過界》嘅王浩信、《降魔的》嘅馬國明、《同盟》嘅陳展鵬,仲有《使徒行者2》嘅三名男主角苗僑偉、周柏豪同袁偉豪。當中呼聲最高嘅,分別係從未拎過台慶視帝王浩信馬國明

By COSMO

王浩信

王浩信最初以歌手身份入行,2006年正式加入無綫,喺2010年佢喺台慶劇《刑警》嘅高紀煬一角表現出色,令人留下深刻印象,仲喺2013年台慶獲得「飛躍進步男藝員」獎。

王浩信

2016年,佢喺《EU超時任務》飾演表面古惑,但係內心正義嘅圍村村長渠頭,因而人氣急升,更成為「星和無綫電視大獎2016」「我最喜愛的電視男角色」得主。

王浩信
王浩信

佢仲喺今年《踩過界》中飾演盲人大律師文申俠(盲俠),作突破性演出,演技獲大讚,仲憑呢套劇勇奪「星和無綫電視大獎2017」嘅「我最愛TVB男主角」,做新加坡視帝。唔知佢今次可唔可以憑呢個角色再下一成,成為雙料視帝呢?

王浩信
王浩信

同樣係今年嘅《不懂撒嬌的女人》,王浩信嘅角色Saving更加係暖男嘅表表者,一樣冧死女觀眾!

馬國明

馬國明喺1998年加入第14期藝員訓練班,畢業之後做過唔少配角角色,仲多次成為無綫噱頭組合嘅成員,好似新五虎、S4、奧運六星等等,可惜一直星運平平。

馬國明

直到2012年,佢終於憑《On Call 36小時》飾演深情醫生張一健(一件頭)上位,獲得「我最喜愛的電視男角色」獎,跳上一線藝員之列。

馬國明
馬國明

而2013年台慶,佢仲勇奪「藝員眼中的視帝」,可見佢人緣有幾咁好,無論喺觀眾定同事人人都咁鍾意佢。

馬國明
馬國明

《踩過界》播完嗰陣,人人都以為王浩信拎梗視帝,點知就突然殺出套《降魔的》!馬國明飾演有降魔能力嘅的士司機馬季,劇中佢同父母團聚一幕感人又催淚,贏盡口碑,成為網民熱捧視帝。唔知佢今次可唔可以憑呢個角色,初嘗視帝滋味呢?

LOAD MORE