news

《大帥哥》張衞健享齊人福 大帥夫人蔡思貝 楊秀惠 譚凱琪誰最得寵?

《大帥哥》張衞健享齊人福 大帥夫人蔡思貝 楊秀惠 譚凱琪誰最得寵?

無線年底壓軸大劇《大帥哥》準備播出,劇中除咗有風流倜儻嘅大帥張衞健,仲有三個位風情萬種嘅姨太太。雖然不及《小寶與康熙》裡面嘅韋小寶咁多美人圍繞,但一樣艷福不淺。劇集仲會喺內地視頻網站播出,香港同內地觀眾齊齊坐定定睇張衞健點樣周旋喺女人同江湖之間,點樣又搞笑又chok咁講返「涼風有信秋月無邊」出嚟。可以話係今年最值得期待嘅TVB台慶劇呀。

by CC

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

近年每逢大製作劇集收視基本撲直嘅無線不斷出招挽留香港觀眾,常用招數係揾班離巢老臣子拍劇,今時今日終於輪到張衛健回歸。Dicky形象一向風流倜儻,新劇《大帥哥》都用返舊套路,要襯托佢嘅風流當然要有美女,劇中就揾咗蔡思貝,譚凱琪,楊秀惠三個風格各異嘅美女嚟做Dicky劇中角色,民初旅長狄奇嘅姨太太,Dicky享盡齊人之福呀。

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

Dicky以前個孫悟空夠經典,新角色狄奇能否再創另一個經典?

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

Dicky返TVB拍劇,陣容上當然唔能夠怠慢,劇組除咗安排洪永城,曹永廉,徐榮,李嘉做狄奇兄弟之外,仲有蔡思貝,譚凱琪,楊秀惠做佢姨太太,艷福不淺。

三位姨太太都各有特色。

譚凱琪

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

譚凱琪飾演日本藝伎葉天嬌,溫柔體貼,善解人意,雖然佢外表嬌小可愛,小鳥依人,但佢係狄奇大姨太,主持家頭細務,對狄奇忠心耿耿,亦深得狄奇信任。

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

葉天嬌仲有個日本名叫舞川奈衣,音同冇穿內衣,幾有Gimmick。

楊秀惠

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

楊秀惠演嘅二姨太艾妞明星出身,身材前凸後翹,婀娜多姿,對狄奇有很強佔有慾,很容易吃大姨太同三姨太醋,希望狄奇多關注自己。楊秀惠非常有女人味,尤其係身材弗到漏,十足十民初女明星。

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

大姨太二姨太都係愛狄奇愛到要生要死嘅美人都未滿足,劇組仲要安排多個小辣椒俾佢。

蔡思貝

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

蔡思貝演三姨太章沅婉,隱藏身份嘅革命黨,靠近狄奇想殺佢謀反,點知喺鬥智鬥勇之中愛上目標,沅婉性格似男仔頭,不服輸,同兩個千嬌百媚嘅姨太完全唔同,按照故事發展呢種特別嘅性格當然特別吸引狄奇。

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

有份憑角色入圍角逐今年台慶視后嘅蔡思貝接受訪問嘅時候都話,同張衛健合作學到非常多嘢,雖然頒獎典禮舉行時,《大帥哥》先啱啱開始播,攞獎機率方面差少少,但有得跟Dicky學嘢已經夠嗮皮,獎項已經冇所謂,當然最好就係Dicky有得攞!哇,把口咁甜嘅?

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

狄奇抱起沅婉一臉滿足,相信三姨太先係佢靈魂伴侶。

《大帥哥》張衞健享齊人福   大帥夫人蔡思貝 楊秀惠 譚凱琪誰最得寵?

究竟觀眾對Dicky同三位姨太太受唔受落呢?

LOAD MORE