4月16日突然爆出許志安與馬國明女友黃心穎出軌一事，粉絲都擔心Sammi未能應付壓力繼續籌備個唱。一直有傳已經搬離愛巢的Sammi於4月18號亦終於打破沉默，於社交網站Instagram發回應老公出軌一事，字裏行間暗示已原諒另一半許志安。 而相隔10日，4月28號Sammi又再次現身IG，更分享近照「報平安」，坦言自己正如常生活中，並會竭力收拾心態準備7月舉行的紅館演唱會。
Senior Content Manager, Features
登入 瀏覽本網站，可獲取積分換領專屬優惠
點擊查看專屬優惠
4月28日下晝，Sammi連發了兩個IG 帖文跟大家「報平安」，並簡單交代「安心偷食」後，自己是怎樣療情傷。總括而言，Sammi相信只有時間可以沖淡一切，自己只會如常生活讓悲傷過去。另外，Sammi強調紅館演唱會照原定計劃舉行，自己會要竭力收拾心態準備演唱會。
而較早前的帖文，Sammi就引用了"Don’t go through life, GROW through life"， 喻意自己會因為今次的事件而成長，不會錯過人生，白白浪費光陰。
鄭秀文#FOLLOWMi 世界巡迴演唱會香港站一票難求，之前曾掀起全城撲飛熱潮，最貴一張門票被傳炒至9萬蚊，認真誇張！Sammi第十次開騷，上次紅館騷Sammi曾經突然失聲令表演留下遺憾，成為佢心中一根刺，佢話過今次一定會盡力帶俾大家一個完美嘅演出，喺記者會上擺出十字手勢，表示自己今次一定會做到十全十美，不過籌備過程卻被安心事件打亂。
Sammi最後選擇了原諒安仔，成為一時佳話，而隨着時間過去，她亦振作起來，繼續為7月舉行的演唱會積極做準備。對於偶像能回復正常生活，相信Sammi的粉絲都鬆一口氣。
信奉基督教的Sammi以聖經金句圖作她對安心偷食一事的回應， 「凡事包容．凡事相信．凡事盼望．凡事忍耐。」（哥林多前書 13:7） 外界一直猜測Sammi會與安仔斬纜，而事實是她選擇原諒，走一條大家都認為最難走的路。
Sammi以「今天以後,就只向前看, 在時間的見證中,繼續一步步前行」作全篇回應文的終結。經過連日來的思量，最後她還是選擇原諒老公許志安，繼續一起走餘生的路。 作為粉絲的就算認為安仔行為萬般不值得不諒，也會無限量支持偶像的決定 。
一起多年，經歷過種種風風雨雨，鄭秀文已認定了唯獨許志安是不可取替，就算對方犯錯，她也寧願接受及陪他一起改正。
4月17日安心偷食事件另一男主角馬國明公開回應時，強調只有許志安太太，亦即是Sammi，才有權利去評論安仔對錯。馬明和Sammi不謀而合，對出軌的另一半採取包容的態度，普遍人都覺得佩服兩人的大量氣度。
鄭秀文同許志安愛情長跑28年，結婚都已經5年，曾經有如王子與公主的童話絕配，雖然今次敵不過小三嘅考驗，但最後Sammi都選擇不放棄，與安仔繼續一步步前行度過餘生。
偷食一事，黃心穎同許志安都要負上責任，可憐係Sammi同馬國明無辜受到牽連，既要面對另一半嘅傷害又要承受傳媒嘅重大壓力。
Sammi七月原定開足13場演唱會，公開售票當日門票已經火速買完，很多Fans投訴苦話靚位完全搶唔到。日前爆出「安心偷食」，粉絲都擔心正積極壽備個唱嘅Sammi會否壓力爆煲，未能如期舉行演出。就算如期舉行，黃牛票價亦定必一炒再炒。 如今Sammi原諒安仔，最大的難關也總算跨過，有望按進度繼續籌備演唱會。
鄭秀文新一輪世界巡迴演唱會#FOLLOWMi 香港站定喺7月開騷，早前宣布將會加開兩場共計13場演唱會，不過門票照樣火速售罄，網上黃牛同樣坐地起價，甚至去到9萬一張，全城又再掀起一輪撲飛熱潮。呢次演唱會究竟有咩咁吸引？其實鄭秀文三個字本身已經係金漆招牌，再加上呢次演唱會又有好多特別嘅意義難怪一票難求啦。
第十次開紅館騷 50歲前最後一擊
Sammi鄭秀文今年7月嘅紅館演唱會，係佢喺紅館開嘅第十次演唱會。紅館作為記錄Sammi喺圈中高低起跌嘅重要地方，又係老公許志安曾經英雄救美，承載兩人戀愛中美好回憶嘅地方，Sammi同fans都知道呢度對佢哋嚟講又幾重要。
今年47歲嘅佢，又透露好有可能喺50歲之前都唔會再返嚟紅館開騷。所以有咁多特別意義嘅演唱會，當然係特別吸引fans嚟睇騷。搞到呢次嘅騷門票都特別難買。
Sammi喺上次演唱會上曾經突然失聲成場走音，佢痛哭求觀眾原諒，令場騷畫下不完美嘅句號。佢話今次演唱會一定會非常小心，克服陰影早早開始備戰，戒口加鍛煉，希望可以呈現最完美嘅自己同舞台俾觀眾，彌補上一次嘅遺憾。
Sammi承諾大家今次會獻出十全十美嘅演唱會，近期已經積極備戰。
天價黃牛飛嚇窒Fans
Sammi呢次演唱會原定喺今年7月舉行11場演唱會，4月8號舉行記者招待會時，佢同大家宣布會加開兩場，即係共計13場演唱會。
而最後兩場就定為慈善場，Sammi會將自己所得嘅所有酬勞捐出嚟做慈善。Sammi話自己作為藝人一直都好想揾一個機會為慈善出一分力，佢覺得今次演唱會係一個好好嘅機會，可以同fans一齊做慈善。
不過要將酬勞捐俾邊一個機構，佢就話仲未有打算，不過之後確定咗就會話俾大家知。
Sammi想為慈善出力，Fans更加要鼎力支持，其實喺宣布完演唱會開11場嘅時候，信用卡優先預訂嘅門票好快已經被搶購一空，加開兩場都仲未滿足到fans。為咗抑制愈演愈烈嘅黃牛炒飛熱潮，Sammi拍心口同大家話早有對策。佢表示會加大公開售票嘅數量，然後13場門票都係一次性釋出，方便fans搶票。
但效果依然唔係幾樂觀，好多fans已經話搶唔到飛，而且靚位已經賣嗮，而且各個社交網上隨處可見兜售二手飛，庫存頗多，黃牛漫天要價，980蚊嘅門票甚至賣到9萬幾蚊，程度令人咋舌。唔少Fans喺Sammi IG下留言話買唔到飛，非常唔開心，但Sammi亦只能愛莫能助。
Sammi再創型爆新造型
永遠走在潮流尖端嘅Sammi演唱會總係大膽嘗試令人眼前一亮嘅新造型。之前嘅「Nike眉」型格前衛，堪稱一代經典。睇返呢次嘅演唱會亦別具一格，一身肌肉嘅Sammi眼神透露住一股殺氣，似乎化身成一個女戰士。Sammi曾經為咗減肥節食，令身形變得非常瘦削，影響健康之餘亦毫無美感。宜家嘅Sammi愛上鍛煉，俾以前大隻咗亦好睇咗，健康嘅生活令Sammi嘅音樂態度亦有所改變，佢就話演唱會會令大家見證佢嘅蛻變，會帶俾大家好多新感覺。Sammi同時又補充話，佢都知道自己身上有某啲特質一直吸引fans，所以佢都會保留一啲以往嘅傳統，令大家喺演唱會上揾返熟悉嘅回憶。有新有舊，怪不知演唱會咁吸引啦。
Sammi喺記者會上嘅造型令fans已經忍唔住尖叫，相信演唱會同樣會有型到核爆嘅中性打扮。
鄭秀文演唱會特別嘉賓都同樣令人期待，上次開演唱會她就邀請了古天樂等多位老友撐場。
Sammi與老公許志安在台上合唱曾是粉絲最期待的個唱環節，不過現在就算紅館演唱會如期舉行，此情此景都難再出現。
立即訂閱接收Cosmo最新潮流資訊
訂閱電子報，獲得更多資訊、體驗及禮遇