強颱風燕子襲擊日本，奪走11性命造成過百人受傷，又重創關西機場，令機場成為孤島，數千人滯留機場，情況嚴重。日本向嚟係港人最愛嘅旅遊目的地之一，好多香港人都困喺大阪返唔到屋企，身在日本度蜜月嘅羅力威同雨僑原定7號返港，但係因為颱風嘅原因都無耐成為滯留大軍嘅一員！
登入 瀏覽本網站，可獲取積分換領專屬優惠
點擊查看專屬優惠
相中雨僑同羅力威正經歷風眼，大街上望落去一片平靜。絲毫不見颱風來臨時嘅狂風暴雨。
羅力威都有po相報平安，話兩人暫時平安無事。但兩人當時仲未買到機票，當地嘅交通狀況非常混亂，公共交通都冇位，車又租唔到，情況都好嚴重。
好在雨僑同羅力威經過連番搶機票之後，終於買到內陸機票去宮崎，再由宮崎折返返香港，雨僑都覺得已經係不幸中嘅萬幸。
機票升價到成萬蚊一張仲一票難求，雨僑表示佢地好彩買到最後去宮崎嘅機票，雖然要兜一圈先返到香港，不過佢地都好樂觀話當去多個地方。
同樣被困大阪嘅仲有古巨基夫婦同徐天佑夫婦。同太太去大阪旅遊嘅古巨基比羅力威同雨僑好彩，買到名古屋飛香港嘅機票。
由名古屋出發返香港已經係最好嘅方案，古巨基真係相當幸運。
徐天佑同太太同樣困喺大阪，有工作在身嘅天佑難免有啲心急，佢喺ig Po相報平安時都有話打算從別處機場搭乘飛機返港，睇嚟應該已經買到機票。
天佑有拍低颱風中大阪橫風橫雨嘅景象。
要喺大阪留多兩日，不過天佑都有keep住樂觀心態，話當玩多幾日，四圍逛下。
最陰功嘅都仲係雨僑同羅力威，度蜜月遇到天災，呢個旅程真係夠嗮難忘了。不過患難見真情，經歷過呢次嘅旅程佢地嘅感情應該會更加好。
不過話時話，雨僑同羅力威真係黑仔夫婦。之前雨僑生日都過得好似唔多開心咁呀。睇嚟今次返到香港羅力威都要補返輸先嘞。
null
立即訂閱接收Cosmo最新潮流資訊
訂閱電子報，獲得更多資訊、體驗及禮遇