news

【動物系女星】楊千嬅 鍾欣潼 胡定欣都有份!邊個係可愛貓同老虎乸?

【動物系女星】楊千嬅 鍾欣潼 胡定欣都有份!邊個係可愛貓同老虎乸?

上文講完動物系男星,當然要睇埋娛樂圈中邊個女星都有動物系特質,劉佩玥同陳瀅好似純純免又靚又可愛就當然人見人愛啦,貓系女好似「阿嬌」鍾欣潼咁,高冷亦一樣大受歡迎,到底其他人又應該歸入咩系?

by 方文

犬系—楊千嬅、陳茵媺

犬系—楊千嬅、陳茵媺

犬系特質係外向而又有活力,而且會誠實表達自己嘅諗法,專一又忠誠,佢哋唔會怕分享對另一半嘅欣賞之情,圈中好似「大笑姑婆」楊千嬅同成日都笑咪咪嘅陳茵媺就完全Match喇!千嬅做丁太前後都不時公開大讚丁子高好EQ同埋工作能力高,仲不時於社交網放閃添!

犬系—楊千嬅、陳茵媺

為陳豪生咗3個小朋友嘅陳茵媺就更加唔使講,次次出現都難以掩飾幸福少奶奶嘅Sweet氣息,雖然已為人母而且結婚多年,但仍會公開留言話掛住老公,真係閃到唔少粉絲眼都盲!

貓系—鍾欣潼

貓系—鍾欣潼

貓系男生已經係高冷又天馬行空有自己一套嘅,套用於情緒更敏感的女生身上,特質可能會更加突出,好似個樣靚到零死角但畀人感覺冷若冰霜嘅阿嬌咁,佢就相當切合貓系女的形象,就算同老公上真人騷都掩藏唔到攰到黑面嘅情況,開心時又真情流露冧笑,似足喵星人時刻做自己!

貓系—鍾欣潼

阿嬌月前受訪前仲爆出一句「個個都拍拖,唔通個個都想拍拖咩」,神邏輯可愛到不得了,似唔似貓咪眼神好似成日覺得身於自己世界,睇唔過睇你啲凡人呢?

羚羊系—胡定欣,田蕊妮

羚羊系—胡定欣,田蕊妮

羚羊有咩特性?佢哋係群居嘅動物,但獨立性好強亦好團結,而羚羊女就當然係唔會成日黏住另一半,工作亦獨立專!好似胡定欣同田蕊妮咁,定欣不時單拖出遊享受獨遊嘅時光,但亦會成日見好姊妹,演藝上出名認真工作,今年更係視后大熱之一!

羚羊系—胡定欣,田蕊妮

至於阿田係同杜汶澤有段幸福婚姻,而且偶爾會將杜生放於嘴邊放閃,但佢點睇都唔係癡身女,兩公婆各有各忙又珍惜同處時光!

羚羊系—胡定欣,田蕊妮

睇埋《女人四十》嘅觀眾,應該更加睇阿田嘅獨特知性美,同羚羊孤高又有靈氣嘅形象不遑多讓。

兔系—劉佩玥、陳瀅

兔系—劉佩玥、陳瀅

兔系唔止係白雪雪又感覺清純呀,仲愛撒嬌,有靈氣而且精力無窮架!公仔箱兩大上位女神劉佩玥同陳瀅就好似樣喇,形象夠純之餘,嗲聲嗲氣演出時更加殺死唔少宅男!劉佩玥眼仔碌碌水汪汪之外,於節目同陳瀅玩起上嚟勁有活力,青春氣息滿瀉!

兔系—劉佩玥、陳瀅

陳瀅有氣質之外,於無線默默演出多部劇集又常見出席活動,更見為事業瞓身打拼,精力無盡,而佢平日訪問中同老友會互笑互串,外向又可愛,好似兔仔咁討喜!

虎系—吳若希,伍詠薇

虎系—吳若希,伍詠薇

事先聲明,虎系女唔係講緊老虎乸,而係同老虎特質相似咋!

虎系—吳若希,伍詠薇

係就係當中包括佔有欲強,會於社交平台放閃同宣示主權,但其實老虎同樣係貓科動物,對鍾意嘅人有時係勁嗲嘅,圈中睇吓吳若希(Jinny)同伍詠薇就知!Jinny平日毫不吝嗇分享同老公嘅感情事,於網上遇到多口網民,更加會親身同對方理論,霸氣盡現!

虎系—吳若希,伍詠薇

伍姑娘同樣係出名係爽朗派,大情大性但內心極度重視另一半,老公練海棠早前被揭出軌,感情受打擊嘅佢仍然挺身面對傳媒,自信又勇敢承擔隨藝人身份而來嘅壓力,事後更積極面對問題,修補婚姻,騷盡大將之風!

LOAD MORE