feature

《再創世紀》奸到出汁 回帶重溫視帝郭晉安經典角色

《再創世紀》奸到出汁 回帶重溫視帝郭晉安經典角色

三屆視帝郭晉安由「馬志強」變「賀天生」擔正嘅話題劇《再創世紀》近日熱播,好好先生180度變成奸到出汁商家,實力派演技再受注目,佢更一度自比角色似「魏纓絡」,其實佢比「令妃」更堅揪,早就有多個經典角色,你又記得幾多?

by CC

唔係唱小丸子 堅歌手出身

再創世紀 郭晉安 奸到出汁 回帶重溫視帝郭晉安經典角色

首先,究竟有幾多人知安仔係唱歌出身呢?查實佢加入娛樂圈之前做過印刷廠學徒,佢家姐曾分享過佢做學師時曾被太子爺以粗口辱罵,甚至拳打腳踢,好彩後來獲資深填詞盧國沾賞識入行,而當時仲唔係拍劇出身,而係唱歌,真係出晒碟㗎!

再創世紀 郭晉安 奸到出汁 回帶重溫視帝郭晉安經典角色

不過首張大碟反應麻麻,安仔後來轉投電視圈,由3000蚊底薪做起,到1988年《誓不低頭》中,演男主角「謝文武」(鄭少秋飾)個仔「謝平安」就開始人氣急升,做男一之外,更被觀眾認為似張國榮,一度封「張國榮接班人」!

經典角色多 三度登視帝寶座

再創世紀 郭晉安 奸到出汁 回帶重溫視帝郭晉安經典角色

安仔1985年加入無綫,效力大約30年期間先後三次封視帝,與羅嘉良同黎耀祥齊齊保持著獲視帝最多次數嘅紀錄。

再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色

其實佢早於99年嘅《創世紀》演好人好到尾嘅「馬志強」就已經好搶Fo,不過戲份唔夠發揮,去到02年拍住宣萱出演《戇夫成龍》,演活傻仔角色「丁常旺」,全城都記得佢成日追住宣萱叫「老婆仔」,演出討喜又感人,令佢首奪視帝殊榮!

再創世紀 郭晉安 奸到出汁 回帶重溫視帝郭晉安經典角色

 佢於05年添食拍《戇夫成龍》時裝版《阿旺新傳》,再演「丁常旺」,幾年間為呢個角色嘅古裝同時裝版增肥減肥,上落20幾磅,瞓身孖宣萱傻到現代,由搓「老婆餅」變成搓「老婆湯圓」,再次搓上視帝寶座!

再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色

安仔去到2014年主演懸疑劇《忠奸人》,飾演被警員吳卓羲意外導致雙腳癱瘓及家庭破碎嘅律師「高哲行」,扮晒正直嘅佢一直想復仇,滿腹陰謀,更搞到與老婆田蕊妮愛恨交纏,鬥戲場面睇到觀眾勁心寒同肉緊,令佢第三度封視帝!

再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色

「唐立言」變萬能Key

再創世紀 郭晉安 奸到出汁 回帶重溫視帝郭晉安經典角色

唔止演技出眾獲獎,安仔其實仲有個角色好有娛樂性,就係《與敵同行》當中嘅「唐立言」一角,於劇集後期有歇斯底里嘅表現,其中「爆Seed」發狂及將「靚媽」呂珊掉落地嘅場面,即時成為網民惡搞Key圖題材,變身「超級撒亞人」同加入李克勤嘅gif都勁好笑!

再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色

佢於《致命復活》中仲飾演被人陷害囚於荒島10年嘅企業顧問,化晒妝扮野人,又為角色激減20磅晒排骨身形,專業演出同樣令人印象難忘!

再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色
再創世紀 郭晉安 奸到出汁 回帶重溫視帝郭晉安經典角色

擁7000萬物業 唔留磚頭畀仔女

除咗鏡頭前嘅角色,安仔鏡頭後嘅好老公與好爸爸形象一樣好出,早年同歌手歐倩怡結婚,育有一對仔女,夫婦不時抽空聚天倫。

安仔亦主力拍劇及投資「磚頭」吸金,近年曾有傳佢手上持有總值逾7000萬嘅物業,一家生活無憂,不過佢就話唔打算將物業留畀仔女,希望佢哋自食其力,而且同囝囝講過佢哋係基督徒,所有嘢嚟自天父,走時要還畀教會。

被周勵淇爆唔食飯養生

 雖然已經53歲,不過安仔外貌未見歲月痕跡,就連身形都冇走樣,難怪與林文龍兩個型佬拍住做男一仍然勁有叫座力,拍檔周勵淇近期大爆二人比佢更注重養生,拍劇時見到兩個大男人為副Body連飯都唔食,意志力驚人!

LOAD MORE