TVB重頭醫療劇《白色強人》熱播，賣點多多！ 單是三屆視帝郭晉安集集好似精神分裂咁一人分飾忠奸兩面已經夠好睇！ 呢部作為自己離開大台前的告別作，郭晉安當然毫不留力，有望留返個美好回憶俾觀眾。其實入行超過30年的郭晉安拍過唔少代表作，你最喜歡又是哪一齣呢？
Senior Content Manager, Features
Contributor
登入 瀏覽本網站，可獲取積分換領專屬優惠
點擊查看專屬優惠
《白色強人》演員陣容大堆頭，雲集多位一線小生、花旦。與一眾靚仔、靚女新生代演員合作，郭晉安未見失色，反而更顯功架。
一向是實力派的郭晉安今次在《白色強人》中挑戰副院長兼腦神經外科主管醫生楊逸滔（Dr. Yeung）一角。
劇中安仔亦正亦邪，佢就形容自己係以奸的方式演繹一個好人。Dr. Yeung 用盡奸計想推行醫改方案，計劃將公營醫院打造成一間集資超過百億的醫療王國，先後院長呂仲學（姜大衛飾）同唐明（馬國明飾）交手，一時看似為追求名利，一時又看似替病人着想改革， 就連觀眾都分唔清佢究竟係忠定奸。
Dr. Yeung是你最喜歡郭晉安所演的角色嗎？還是另有心水？現在一起來回顧3屆安仔的入行經過以及他的經典角色！
唔係唱小丸子 堅歌手出身
首先，究竟有幾多人知安仔係唱歌出身呢？查實佢加入娛樂圈之前做過印刷廠學徒，佢家姐曾分享過佢做學師時曾被太子爺以粗口辱罵，甚至拳打腳踢，好彩後來獲資深填詞盧國沾賞識入行，而當時仲唔係拍劇出身，而係唱歌，真係出晒碟㗎！
不過首張大碟反應麻麻，安仔後來轉投電視圈，由3000蚊底薪做起，到1988年《誓不低頭》中，演男主角「謝文武」（鄭少秋飾）個仔「謝平安」就開始人氣急升，做男一之外，更被觀眾認為似張國榮，一度封「張國榮接班人」！
經典角色多 三度登視帝寶座
安仔1985年加入無綫，效力大約30年期間先後三次封視帝，與羅嘉良同黎耀祥齊齊保持著獲視帝最多次數嘅紀錄。
其實佢早於99年嘅《創世紀》演好人好到尾嘅「馬志強」就已經好搶Fo，不過戲份唔夠發揮，去到02年拍住宣萱出演《戇夫成龍》，演活傻仔角色「丁常旺」，全城都記得佢成日追住宣萱叫「老婆仔」，演出討喜又感人，令佢首奪視帝殊榮！
佢於05年添食拍《戇夫成龍》時裝版《阿旺新傳》，再演「丁常旺」，幾年間為呢個角色嘅古裝同時裝版增肥減肥，上落20幾磅，瞓身孖宣萱傻到現代，由搓「老婆餅」變成搓「老婆湯圓」，再次搓上視帝寶座！
安仔去到2014年主演懸疑劇《忠奸人》，飾演被警員吳卓羲意外導致雙腳癱瘓及家庭破碎嘅律師「高哲行」，扮晒正直嘅佢一直想復仇，滿腹陰謀，更搞到與老婆田蕊妮愛恨交纏，鬥戲場面睇到觀眾勁心寒同肉緊，令佢第三度封視帝！
「唐立言」變萬能Key
唔止演技出眾獲獎，安仔其實仲有個角色好有娛樂性，就係《與敵同行》當中嘅「唐立言」一角，於劇集後期有歇斯底里嘅表現，其中「爆Seed」發狂及將「靚媽」呂珊掉落地嘅場面，即時成為網民惡搞Key圖題材，變身「超級撒亞人」同加入李克勤嘅gif都勁好笑！
佢於《致命復活》中仲飾演被人陷害囚於荒島10年嘅企業顧問，化晒妝扮野人，又為角色激減20磅晒排骨身形，專業演出同樣令人印象難忘！
奸開有條路，安仔在《再創世紀》中釋演賀天生亦成功引起觀眾關注，由《創世紀》的好先生馬志強180度變成奸到出汁商家。劇中安仔做事不擇手段，同老婆楊怡合謀，意圖吞併楊怡契爺胡楓嘅集團。
擁7000萬物業 唔留磚頭畀仔女
除咗鏡頭前嘅角色，安仔鏡頭後嘅好老公與好爸爸形象一樣好出，早年同歌手歐倩怡結婚，育有一對仔女，夫婦不時抽空聚天倫。
安仔亦主力拍劇及投資「磚頭」吸金，近年曾有傳佢手上持有總值逾7000萬嘅物業，一家生活無憂，不過佢就話唔打算將物業留畀仔女，希望佢哋自食其力，而且同囝囝講過佢哋係基督徒，所有嘢嚟自天父，走時要還畀教會。
被周勵淇爆唔食飯養生
雖然已經53歲，不過安仔外貌未見歲月痕跡，就連身形都冇走樣，難怪與林文龍兩個型佬拍住做男一仍然勁有叫座力，拍檔周勵淇近期大爆二人比佢更注重養生，拍劇時見到兩個大男人為副Body連飯都唔食，意志力驚人！
Senior Content Manager, Features
與其隨波逐流，倒不忠於自己！廣告、包裝，不妨一看，但專家口碑、再加親自驗證才是王道。交「學費」沒問題，很想避免再交錯「學費」，只要貴得值，我一樣會乖乖「課金」！
Contributor
塵世間一件迷途小書童。行年廿七，事業小成，幸得心術還算良正，愛好煲劇睇戲寫文分享心情。
立即訂閱接收Cosmo最新潮流資訊
訂閱電子報，獲得更多資訊、體驗及禮遇