news

【粉絲哭崩!】日本天團Arashi嵐宣布明年休團 隊長大野智最先提議退出

【粉絲哭崩!】日本天團Arashi嵐宣布明年休團 隊長大野智最先提議退出

日本國民男團嵐喺1月27號突然喺fan club發布消息,宣布將喺2020年12月31日終止團體活動。消息一出引嚟一片嘩然。事關嵐唔單只喺日本人氣旺盛,喺整個亞洲地區都有數唔清嘅粉絲,係當今最有影響力嘅亞洲組合之一。。嵐嘅隊長大野智喺聲明中表示,自己係第一個提出想要退出組合嘅人,後來經過討論,隊友都認為換咗一個人或者少咗一個人嘅嵐都唔再係完整嘅嵐,所以組合決定共同進退,一齊喺2020年最後一日終止組合嘅活動。對於絕大部分嘅嵐粉絲嚟講,呢個消息相當難以接受。佢哋更認為嵐嘅休團,代表住一個時代嘅終結。

by COSMO

日本天團「嵐」(Arashi) 係日本著名經理人公司傑尼斯事務所所屬嘅五人男子組合,由隊長大野智,以及櫻井翔、相葉雅紀、二宮和也同松本潤組成,1999年出道,成立至今出過無數經典歌,仲有《VS嵐》等經典綜藝節目,成員分別都參演過唔少有名嘅電視劇,電影。可以話係日本家喻戶曉嘅男團。1月27號,嵐喺fan club網站上發出一段聲明,宣布將會喺2020年12月31號終止組合活動。

【粉絲哭崩!】日本天團Arashi嵐宣佈明年休團 隊長大野智最先提議退出

嵐五子喺視頻中嚴肅說明休團原因。

【粉絲哭崩!】日本天團Arashi嵐宣佈明年休團 隊長大野智最先提議退出

日本媒體馬上報導嵐宣佈休團的消息。

【粉絲哭崩!】日本天團Arashi嵐宣佈明年休團 隊長大野智最先提議退出

嵐曾多次登上紅白歌合戰。

【粉絲哭崩!】日本天團Arashi嵐宣佈明年休團 隊長大野智最先提議退出

視頻上隊長大野智先係同大家說明,佢係嵐入面最初有想要解散嘅念頭嘅人。大野智表示佢想過一個「自由,無拘無束嘅生活」,並且想嘗試獨立發展自己嘅演藝事業,於是佢喺2017年6月中旬時,曾經同隊友逐一表達咗自己嘅想法,經過無數次嘅討論之後大家決定喺20年停止團隊嘅活動。

【粉絲哭崩!】日本天團Arashi嵐宣佈明年休團 隊長大野智最先提議退出

視頻中大野智講到動情處幾乎流淚。

【粉絲哭崩!】日本天團Arashi嵐宣佈明年休團 隊長大野智最先提議退出

相葉雅紀認為,嵐成軍20年,只有五個人喺一齊先有強大嘅心力,所以如果少咗一個或者兩個人,都唔再好用組合嘅名義再去活動。 相葉仲強調,休团呢嘅決定並非因為組合之間嘅關係發生任何嘅問題,反而係因為大家嘅關係非常好,先會決定共同進退。

【粉絲哭崩!】日本天團Arashi嵐宣佈明年休團 隊長大野智最先提議退出

而櫻井翔,松本潤,二宮和也都表示決定係經過五個人多次討論得出嘅結果,佢哋會利用好解散前嘅時間繼續全力以赴去為大家奉獻出精彩嘅表演。

【粉絲哭崩!】日本天團Arashi嵐宣佈明年休團 隊長大野智最先提議退出

而稍後嵐舉行咗五人記者招待會,大野智更詳細咁解釋咗整件事,佢話自己曾經想做個了斷,從傑尼斯事務所辭職,嘗試自由嘅生活。知道前年6月五子去到大阪工作,收工之後大野智將隊友召集到酒店房間,同大家講咗自己嘅想法。隊友表示要共同進退,所以先有休團嘅決定。

【粉絲哭崩!】日本天團Arashi嵐宣佈明年休團 隊長大野智最先提議退出

記者會上嵐五人合照。

【粉絲哭崩!】日本天團Arashi嵐宣佈明年休團 隊長大野智最先提議退出

關於未來嘅發展,大野智更表示,自己從來未有過想休息兩三年再工作嘅打算,當初係打算直接從事務所辭職,不過經過同隊友以及公司嘅協商,宜家達成暫時休息嘅方式。之後嘅發展仲有待規劃。

【粉絲哭崩!】日本天團Arashi嵐宣佈明年休團 隊長大野智最先提議退出

大野智熱愛釣魚,可能休團之後佢會先去釣幾年魚再返嚟。

【粉絲哭崩!】日本天團Arashi嵐宣佈明年休團 隊長大野智最先提議退出

大野智更向一眾嵐粉鄭重道歉,但佢亦認為如果換咗人嘅話,嵐就唔再係嵐,所以佢都希望係組合正式休團之前可以享受每一次嘅表演。雖然粉絲都覺得非常難過,但已經有唔少粉絲表示覺得嵐所講嘅「少咗一個人嘅嵐,就唔再係嵐」非常窩心,所以佢哋都會支持偶像嘅決定。嵐嘅5X20巡迴演唱會仲喺度進行當中,唔捨得佢哋嘅朋友就記得去睇騷啦。

LOAD MORE