feature

【慎入】Endgame完想分享?《復仇者聯盟4》狂派驚喜 見證6位初代Avengers成長

【慎入】Endgame完想分享?《復仇者聯盟4》狂派驚喜 見證6位初代Avengers成長

小量劇透慎入!《復仇者聯盟4:終局之戰》(Avengers:Endgame)成為全球熱話,Marvel Cinematic Universe歷時十年拍出一個時代嘅終結,睇到粉絲嘩嘩聲,長達3個鐘嘅電影不但有震撼人心嘅結局,其實仲有多個驚喜位,集合多年21部前作,6位元祖「復仇者」嘅細節,唔知你又有冇錯過?


之前己經提咗大家電影有8大亮點必須入場前留意,但相信好多人都會走漏眼,而另外其實導演仲有好多驚喜心思位值得大家重溫同討論。

驚喜客串見證時代終結

【慎入】Endgame完想分享?《復仇者聯盟4》狂派驚喜 Marvel導演心思位逐一數!

未講「復仇者」之前,不得不提電影中嘅客串星,「漫威之父」Stan Lee今集扮成司機精靈現身,傳係生前最後一次客串Marvel電影,完美告別粉絲!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

除咗佢,多次客串自家執導超英片嘅導演Joe Russo亦同愛女有份客串,前者演Marvel首個同志角色,出席創傷分享會同「美國隊長」傾心事,囡囡就演「鷹眼」愛女!

鐵甲奇俠(Iron Man)

【慎入】Endgame完想分享?《復仇者聯盟4》狂派驚喜 Marvel導演心思位逐一數!

《復仇者聯盟4》不但見齊「鐵甲奇俠」、「Pepper」,仲有「Happy」照顧二人愛女,而且囡囡仲似老竇一樣愛食芝士漢堡,呢個細節就出現於《鐵甲奇俠》,佢逃生後即時要求食芝士漢堡!唔止下一代,於個人系列多次講到父子情有缺憾嘅「鐵甲奇俠」,今集仲同番老竇侯活史達見面兼真情對話,場面動人!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

「鐵甲奇俠」人工智能「Jarvis」變身嘅「幻視」未於《復4》出現,但「鐵甲奇俠」父子同場時,老竇個助手就叫「Jarvis」就係佢嘅前身,於Marve劇集出演「Jarvis」嘅James D'Arcy就驚喜現身,由公仔箱跳上大銀幕,連結Marvel電視與電影字宙。

【慎入】Endgame完想分享?《復仇者聯盟4》狂派驚喜 Marvel導演心思位逐一數!

「鐵甲奇俠」是為Marvel功臣,掀動唔少粉絲嘅心,電影尾段仍驚喜連連,「鐵甲奇俠」大戰時講咗首集《鐵甲奇俠》中講過嘅名句:「I'm Iron Man」,而本名「東尼史達」(Tony Stalk)嘅佢於首集被劫後,曾打造「核反應爐」療傷同幫戰甲供電,「Pepper」後來用「核反應爐」做咗份禮物,寫上「Proof That Tony Stark Has a Heart」,佢今集亦再拎出呢份禮送畀「東尼史達」,認出嘅粉絲相信都好心痛!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

至於同場仲有《鐵甲奇俠3》同過「鐵甲奇俠」對抗驚恐症嘅小男孩低調現身!

美國隊長(Captain America)

【慎入】Endgame完想分享?《復仇者聯盟4》狂派驚喜 Marvel導演心思位逐一數!

同「鐵甲奇俠」一樣資歷高嘅「美國隊長」亦有好多同個人系列有關嘅驚喜,當中最搶眼就係佢於電梯同被「九頭蛇」滲入嘅「神盾局」特工同場一幕,重現《美國隊長2》精彩場景,當大家以為困獸鬥再次出現,佢就玩自抽,扮漫畫中變節嘅佢,以「Hail,Hydra」暗語化解危機,唔少粉絲睇到拍手!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

至於佢於《美國隊長:復仇者先鋒》獲侯活史達打造嘅盾牌都回歸喇,本身佢同「鐵甲奇俠」於《美國隊長3:英雄內戰》不和時放棄咗個盾牌,今集「鐵甲奇俠」親手送番個盾牌畀佢,象徵和好,同時由佢用番《復仇者聯盟》同過嘅盾牌打最後一仗!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

電影仲為所有肉緊「美國隊長」一直少有感情戲嘅粉絲圓夢,佢於《美國隊長:復仇者先鋒》嘅女友「Peggy」堅有出場之外,電影仲彌補「美國隊長」嘅遺憾,畀佢同女方開花結果,完成共舞之約,浪漫又感人!

雷神(Thor)

【慎入】Endgame完想分享?《復仇者聯盟4》狂派驚喜 Marvel導演心思位逐一數!

「雷神」於《復仇者聯盟 3:無限之戰》殺唔死「魁隆」而放棄自我,今集竟然安排佢重返「聖域界」,由已故媽媽打氣,於「起點」重新出發。

【慎入】Endgame完想分享?《復仇者聯盟4》狂派驚喜 Marvel導演心思位逐一數!

就連《雷神奇俠 2:黑暗世界》出現過嘅女友「Jane」同埋細佬「洛基」都有出現,佢亦拎得番本身被已被打爛嘅雷神之槌,系列要角同重點武器全數回歸!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

至於末段大戰仲有「美國隊長」拎得起雷神之槌嘅場面,呢度就係用番《復仇者聯盟 2:奧創紀元》一幕。

【慎入】Endgame完想分享?《復仇者聯盟4》狂派驚喜 Marvel導演心思位逐一數!

眾復仇者都分別去試拎雷神之槌,當時只有「美國隊長」郁到個槌!

變形俠醫(Hulk)

【慎入】Endgame完想分享?《復仇者聯盟4》狂派驚喜 Marvel導演心思位逐一數!

變形俠醫」於《雷神奇俠 3:諸神黃昏》當中有講過「Bruce Banner」同「Hulk」搏鬥多時,如果搞唔掂就會永遠變成「變形俠醫」,不過佢今集竟然變咗「二合一」,重現《復仇者聯盟》紐約大戰時,更由破壞王變成Hea爆求其搞事,為粉絲嘅回憶送上笑彈!

【慎入】Endgame完想分享?《復仇者聯盟4》狂派驚喜 Marvel導演心思位逐一數!

至於佢同「黒寡婦」雖未再提《復仇者聯盟 2:奧創紀元》一段情,但仍然有火花!

「黒寡婦」(Black Widow)與「鷹眼」(Haweye)

【慎入】Endgame完想分享?《復仇者聯盟4》狂派驚喜 Marvel導演心思位逐一數!

「黒寡婦」同「鷹眼」今次被安排拍住上出動,回到《復仇者聯盟》「最初的起點」一樣,佢哋兩個上太空時仲講起旅程正過「布達佩斯之戰」。

【慎入】Endgame完想分享?《復仇者聯盟4》狂派驚喜 Marvel導演心思位逐一數!

呢幕其實呼應番《復仇者聯盟》打紐約大戰時,「黑寡婦」同「鷹眼」講過:「呢個場面令人諗起布達佩斯!」唔知粉絲又記唔記得?

LOAD MORE