小量劇透慎入！《復仇者聯盟4：終局之戰》（Avengers：Endgame）成為全球熱話，Marvel Cinematic Universe歷時十年拍出一個時代嘅終結，睇到粉絲嘩嘩聲，長達3個鐘嘅電影不但有震撼人心嘅結局，其實仲有多個驚喜位，集合多年21部前作，6位元祖「復仇者」嘅細節，唔知你又有冇錯過？
Senior Content Manager, Features
Contributor
登入 瀏覽本網站，可獲取積分換領專屬優惠
點擊查看專屬優惠
驚喜客串見證時代終結
未講「復仇者」之前，不得不提電影中嘅客串星，「漫威之父」Stan Lee今集扮成司機精靈現身，傳係生前最後一次客串Marvel電影，完美告別粉絲！
除咗佢，多次客串自家執導超英片嘅導演Joe Russo亦同愛女有份客串，前者演Marvel首個同志角色，出席創傷分享會同「美國隊長」傾心事，囡囡就演「鷹眼」愛女！
鐵甲奇俠(Iron Man)
《復仇者聯盟4》不但見齊「鐵甲奇俠」、「Pepper」，仲有「Happy」照顧二人愛女，而且囡囡仲似老竇一樣愛食芝士漢堡，呢個細節就出現於《鐵甲奇俠》，佢逃生後即時要求食芝士漢堡！唔止下一代，於個人系列多次講到父子情有缺憾嘅「鐵甲奇俠」，今集仲同番老竇侯活史達見面兼真情對話，場面動人！
「鐵甲奇俠」人工智能「Jarvis」變身嘅「幻視」未於《復4》出現，但「鐵甲奇俠」父子同場時，老竇個助手就叫「Jarvis」就係佢嘅前身，於Marve劇集出演「Jarvis」嘅James D'Arcy就驚喜現身，由公仔箱跳上大銀幕，連結Marvel電視與電影字宙。
「鐵甲奇俠」是為Marvel功臣，掀動唔少粉絲嘅心，電影尾段仍驚喜連連，「鐵甲奇俠」大戰時講咗首集《鐵甲奇俠》中講過嘅名句：「I'm Iron Man」，而本名「東尼史達」（Tony Stalk）嘅佢於首集被劫後，曾打造「核反應爐」療傷同幫戰甲供電，「Pepper」後來用「核反應爐」做咗份禮物，寫上「Proof That Tony Stark Has a Heart」，佢今集亦再拎出呢份禮送畀「東尼史達」，認出嘅粉絲相信都好心痛！
至於同場仲有《鐵甲奇俠3》同過「鐵甲奇俠」對抗驚恐症嘅小男孩低調現身！
美國隊長（Captain America）
同「鐵甲奇俠」一樣資歷高嘅「美國隊長」亦有好多同個人系列有關嘅驚喜，當中最搶眼就係佢於電梯同被「九頭蛇」滲入嘅「神盾局」特工同場一幕，重現《美國隊長2》精彩場景，當大家以為困獸鬥再次出現，佢就玩自抽，扮漫畫中變節嘅佢，以「Hail，Hydra」暗語化解危機，唔少粉絲睇到拍手！
至於佢於《美國隊長：復仇者先鋒》獲侯活史達打造嘅盾牌都回歸喇，本身佢同「鐵甲奇俠」於《美國隊長3：英雄內戰》不和時放棄咗個盾牌，今集「鐵甲奇俠」親手送番個盾牌畀佢，象徵和好，同時由佢用番《復仇者聯盟》同過嘅盾牌打最後一仗！
電影仲為所有肉緊「美國隊長」一直少有感情戲嘅粉絲圓夢，佢於《美國隊長：復仇者先鋒》嘅女友「Peggy」堅有出場之外，電影仲彌補「美國隊長」嘅遺憾，畀佢同女方開花結果，完成共舞之約，浪漫又感人！
雷神（Thor）
「雷神」於《復仇者聯盟 3：無限之戰》殺唔死「魁隆」而放棄自我，今集竟然安排佢重返「聖域界」，由已故媽媽打氣，於「起點」重新出發。
就連《雷神奇俠 2：黑暗世界》出現過嘅女友「Jane」同埋細佬「洛基」都有出現，佢亦拎得番本身被已被打爛嘅雷神之槌，系列要角同重點武器全數回歸！
至於末段大戰仲有「美國隊長」拎得起雷神之槌嘅場面，呢度就係用番《復仇者聯盟 2：奧創紀元》一幕。
眾復仇者都分別去試拎雷神之槌，當時只有「美國隊長」郁到個槌！
變形俠醫（Hulk）
變形俠醫」於《雷神奇俠 3：諸神黃昏》當中有講過「Bruce Banner」同「Hulk」搏鬥多時，如果搞唔掂就會永遠變成「變形俠醫」，不過佢今集竟然變咗「二合一」，重現《復仇者聯盟》紐約大戰時，更由破壞王變成Hea爆求其搞事，為粉絲嘅回憶送上笑彈！
至於佢同「黒寡婦」雖未再提《復仇者聯盟 2：奧創紀元》一段情，但仍然有火花！
「黒寡婦」（Black Widow）與「鷹眼」（Haweye）
「黒寡婦」同「鷹眼」今次被安排拍住上出動，回到《復仇者聯盟》「最初的起點」一樣，佢哋兩個上太空時仲講起旅程正過「布達佩斯之戰」。
呢幕其實呼應番《復仇者聯盟》打紐約大戰時，「黑寡婦」同「鷹眼」講過：「呢個場面令人諗起布達佩斯！」唔知粉絲又記唔記得？
Senior Content Manager, Features
與其隨波逐流，倒不忠於自己！廣告、包裝，不妨一看，但專家口碑、再加親自驗證才是王道。交「學費」沒問題，很想避免再交錯「學費」，只要貴得值，我一樣會乖乖「課金」！
Contributor
塵世間一件迷途小書童。行年廿七，事業小成，幸得心術還算良正，愛好煲劇睇戲寫文分享心情。
立即訂閱接收Cosmo最新潮流資訊
訂閱電子報，獲得更多資訊、體驗及禮遇