feature

吳謹言《皓鑭傳》劇情緊湊有望突破《延禧攻略》再掀追劇熱潮

吳謹言《皓鑭傳》劇情緊湊有望突破《延禧攻略》再掀追劇熱潮

2018年爆出嘅神劇「延禧攻略」曾經引起整個亞洲嘅追劇熱潮,如今製片人于正再次推出「皓鑭傳」,仲預告會係全世界各個視頻網站上架,聞到有神劇味嘅TVB都一早買落,準備放喺翡翠台年三十晚開播。觀眾當然有幾期待得幾期待。開播之前已經賺足觀眾眼球嘅「皓鑭傳」19號終於正式喺內地視頻網站「愛奇藝」上線,憑住神劇「延禧攻略」儲落嘅人氣同話題度,「皓鑭傳」呢套號稱以延禧原班人馬開拍嘅新劇當然好吸引,唔少網民都話,齋睇有吳謹言同聶遠演男女主角,呢套劇已經必追不可。「皓鑭傳」首集播出以後,觀眾都大嗌好睇。好評如潮,睇嚟「皓鑭傳」有望突破延禧嘅佳績。

by COSMO

劇情緊湊節奏超快 「皓鑭傳」有望突破「延禧攻略」再掀追劇熱潮

「皓鑭傳」嘅故事發生喺戰國時代,吳謹言飾演嘅李皓鑭原本係趙國御史嘅女兒,佢嘅原型係歷史上秦始皇生母。皓鑭本來同趙國公子蛟係情侶,但因為妹妹岫玉同主母嘅陷害,令佢成為奴婢,之後俾衛國商人呂不韋買落獻俾嬴異人,亦即係秦始王嬴政嘅老竇。

劇情緊湊節奏超快 「皓鑭傳」有望突破「延禧攻略」再掀追劇熱潮

「皓鑭傳」延續觀眾最愛嘅快節奏故事模式,第一集皓鑭已經經歷被妹妹陷害—被老屈同人私奔—被主母丟落河—被救起之後返屋企睇住生母被殺—睇住自己妹妹嫁俾ex—被人賣去做奴隸想向ex求助時被ex狠撇—差啲被妹妹派嚟嘅人推落懸崖。直情係慘到冇朋友!

劇情緊湊節奏超快 「皓鑭傳」有望突破「延禧攻略」再掀追劇熱潮

▲皓鑭差啲俾人推落懸崖,呂不韋英雄救美但皓鑭毫不領情。

劇情緊湊節奏超快 「皓鑭傳」有望突破「延禧攻略」再掀追劇熱潮

▲皓鑭係庶出之女,佢妹妹同主母成日想害佢,超級惡毒。

劇情緊湊節奏超快 「皓鑭傳」有望突破「延禧攻略」再掀追劇熱潮

劇透話皓鑭之後仲會遇到好多慘事,不過仲多咗個嬴異人陪喺身邊。

劇情緊湊節奏超快 「皓鑭傳」有望突破「延禧攻略」再掀追劇熱潮

第一集已經咁慘,之後皓鑭身上仲會發生咩事簡直唔咁想像,不過好在皓鑭有女主角光環加身,化身打不死的小強,每次都可以死裡逃生。

而且開頭皓鑭有幾慘,後面復仇就有幾恨,相信觀眾一定睇得好解恨。

劇情緊湊節奏超快 「皓鑭傳」有望突破「延禧攻略」再掀追劇熱潮

劇情發展得快,皓鑭同男主角嘅愛情故事都發展得一樣咁快,劇情去到第8集嘅時候,皓鑭已經同呂不韋有愛的抱抱,仲逼呂不韋講愛你,完全遺傳嗮魏瓔珞敢愛敢恨呢點性格。但由於以後呂不韋會送皓鑭俾嬴政老竇,可以預見之後會有一段虐心嘅故事發生。

劇情緊湊節奏超快 「皓鑭傳」有望突破「延禧攻略」再掀追劇熱潮

話明係由「延禧攻略」原班人馬打造,「皓鑭傳」入面肯定會有好多延禧老面孔。最搞笑嘅係喺延禧入面成日跟喺聶遠後面,演太監李玉嘅劉恩尚,喺「皓鑭傳」入面係演宰相,呂不韋好想巴結佢,所以對佢簡直係畢恭畢敬。聶遠都有發微博話喺「皓鑭傳」裡面冇得再隨便踢宰相屁股,佢覺得好唔習慣,相當搞笑呀!

劇情緊湊節奏超快 「皓鑭傳」有望突破「延禧攻略」再掀追劇熱潮

雖然「皓鑭傳」裡面少咗皇后秦嵐同嫻妃佘詩曼呢兩個人氣演員,但取而代之嘅寧靜係內地有名嘅實力派演員,佢同馬景濤主演嘅「孝莊秘史」當年亦係不輸延禧嘅一部神劇。寧靜演嘅趙國厲夫人一出場已經用強大嘅氣場震懾住各位觀眾,更俾網民讚佢一個眼神都超有戲,相信以後都會成為人氣角色之一。

劇情緊湊節奏超快 「皓鑭傳」有望突破「延禧攻略」再掀追劇熱潮

相信寧靜嘅演技絕對會令厲夫人成為人氣角色。

劇情緊湊節奏超快 「皓鑭傳」有望突破「延禧攻略」再掀追劇熱潮

高貴妃譚卓演嘅係安國華陽夫人,後來收養嬴異人為義子。

劇情緊湊節奏超快 「皓鑭傳」有望突破「延禧攻略」再掀追劇熱潮

明玉姜梓新演醫師殷小春。

劇情緊湊節奏超快 「皓鑭傳」有望突破「延禧攻略」再掀追劇熱潮

而喺男二方面,就由茅子俊取替許凱出演。

劇情緊湊節奏超快 「皓鑭傳」有望突破「延禧攻略」再掀追劇熱潮

雖然茅子俊冇許凱咁小鮮肉,但佢絕對係青年演員入面演技派嘅代表之一,兼具實力同人氣,有佢演嬴異人,觀眾之後分分鐘會鐘意佢多過鐘意呂不韋。

劇情緊湊節奏超快 「皓鑭傳」有望突破「延禧攻略」再掀追劇熱潮

內地演員茅子俊今年32歲,係年青演員中比較有演技嘅實力派代表之一。

「皓鑭傳」宜家風頭最勁,再加上馬上到春節,睇怕之後「皓鑭傳」嘅追劇熱潮,只會比延禧有過之而無不及啊!

LOAD MORE