早排爆出鄧麗欣同前棒棒堂成員邱勝翊（王子）撻著，大家都不禁打咗個突！話就話兩人都係娛樂圈中人啫，但畢竟一個香港、一個台灣；一個拍戲（近年），一個唱歌； 一個30有4，一個仲係摱車邊2字頭......總括嚟講「大纜都扯唔埋」啦！而隨住呢單緋聞越攤越凍 ，兩位主角又無主動認頭，大家都以為係流料，誰不知Stephy日前出席活動時竟然大方甜笑認愛，睇嚟佢已經放手一試，懶理大家眼光，投入發展呢段公主王子式嘅異地姊弟戀。
登入 瀏覽本網站，可獲取積分換領專屬優惠
點擊查看專屬優惠
歌都有得你唱「放下從前一段感情，才能追求將來」，鄧麗欣大方認愛比佢細5年嘅王子，當拍過拖10年嘅舊愛方力申唔存在，先可以好好戀愛呀嘛。
舊愛拍拖了，方力申嘅感情狀況又如何呢？有網友喺社交網站問佢有冇女朋友，方力申用陶大宇掩面加「別提了！」三個字作回應，酸到呢～
多得應采兒做媒人，鄧麗欣終於脫單，真正放低同方力申一段舊情， 同王子發展成一對，之前兩人更被拍下單獨去泰國旅行。
鄧麗欣公開認愛當日指佢同王子多年前曾經同公司，認識很久但不算熟絡，直至媒人婆應采兒安排飯局才對對方有進一步了解。
應采兒原來喺內地有個花名叫娛樂圈大預言家，事關佢曾貼中兩件關乎藝人前途嘅事，今次佢看好鄧麗欣和王子嘅戀情，內地網友都講笑話佢嘅「預言」再應驗。
睇死鹿晗愛情得意事業失業
內地人氣小鮮肉鹿晗上年突然宣布與有內地「國民初戀 」之稱的關曉彤相戀，更以「這是我的女朋友」來介紹，粉絲差點激到暴動，紛紛撤消關注，鹿晗人氣大減，事業前途頓時岌岌可危。 有網友翻舊帳，找出應采兒與鹿晗在節目《約吧大明星》中的一段對話抽水。
鹿晗被應采兒問有甚麼心願想達成，鹿晗說：「我想在這呆著」，而在旁的女嘉賓就說：「他的痛苦就是太紅了！」應采兒面對當下反駁： 「想要不紅很簡單啊，你去談戀愛試試看。」唔知死嘅鹿晗就神回：「那我試試」。
結果真的被應采兒說中了，鹿晗為愛情差點賠上了事業。
斷言薛之謙紅不過兩年
另一個被應采兒「批命」的是憑《演員》一曲走紅的內地男歌手薛之謙，事情同樣發生電視節目中。應采兒曾在節目《撕人訂製》中訪問薛之謙，因為不甘被對方揶揄聲音像被煙燻過，應采兒兩度對薛之謙反擊說：「你大概紅兩年」。事隔不足兩年，薛之謙與網紅舊愛李雨桐的是非越炒越烈，醜聞一單接一單。薛之謙形象插晒水，星途危危乎，係咪又要多得應采兒呢？
立即訂閱接收Cosmo最新潮流資訊
訂閱電子報，獲得更多資訊、體驗及禮遇