feature

袁詠儀傳授女人必學馭夫術💑! 與張智霖恩愛27年全靠明「貶」暗「煲」

袁詠儀傳授女人必學馭夫術💑! 與張智霖恩愛27年全靠明「貶」暗「煲」

好多人都話「娛樂圈不相信愛情」,連最後一個童話都死於許志安同黃心穎偷食。早前袁詠儀同張智霖呢對27年嘅老夫老妻,一齊上內地真人騷「妻子的浪漫旅行」,兩公婆關係好到唔怕觀眾火眼金睛嘅檢閱,用事實話俾大家知,雖然佢哋冇咩轟轟烈烈嘅愛情故事,但可以相濡以沫,相伴一生。不過喺呢對關係中,Chilam同靚靚之所以能夠細水長流,牽手到現在,其實離唔開「互相理解」同「互相欣賞」呢八個字。


今年47歲嘅張智霖臉上仍未見歲月痕跡,能夠令一個咁「如花似玉」嘅老公對自己死心塌地,靚靚一直好有自己嘅方法。佢就話喺婚姻關係之中,如果兩人唔能夠互相理解,尊重各自嘅愛好同性格,就好容易從細微處滋生矛盾。其實只有兩人從精神上完全契合開始,婚姻關係先可以多年如一日咁牢固。而佢最愛嘅一招冧老公絕招,就係隔空喊話,明「貶」暗「褒」,有意冇意放閃同讚老公。

明「貶」暗「褒」 公開讚賞老公處事態度

袁詠儀傳授女人必學馭夫術💑! 與張智霖恩愛27年全靠明「眨」暗「煲」

靚靚好鍾意時不時鬧下老公,或者喺訪問嘅時候抱怨下老公,比如話老公太肥,要減肥,叫大家揾張智霖演多啦A夢。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

有時又會批評老公帶個仔玩滑板唔做好安全措施,大家都知佢係純搞笑得,因為佢哋感情其實真係相當好。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

▲靚靚講笑話個位俾狗狗同囝囝霸咗自己冇位訓,一家人感情超好

▲張智霖在《Cosmo純查社》中亦曾表示會與囝囝魔童一起「對抗」靚靚。  

袁詠儀傳授女人必學馭夫術💑! 與張智霖恩愛27年全靠明「眨」暗「煲」

喺「妻子的浪漫旅行」中,章子怡曾經問過靚靚,最欣賞張智霖邊一點,靚靚就脫口而出話Chilam「夠蠢」。你以為佢又係鬧老公,其實並唔係。靚靚解釋話,呢一行競爭咁激烈,隨時上演勾心鬥角嘅戲碼,但Chilam就揀咗唔去刻意表現自己,而係默默做好本分,相信有一日會發光嘅呢種生活態度。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

靚靚用章子怡嚟舉例話「如果知道有子怡你嚟香港,可能好多朋友會想約你出嚟吃飯,睇下有咩好嘅工作機會同資源,但Chilam就唔會咁做,佢就覺得,我做好自己就得。」呢種簡單嘅性格喺圈中人確實少見,甚至有人會覺得佢唔識為人處世,唯獨靚靚非常欣賞,佢覺得保持簡單好重要,咁樣生活先會更舒服。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

Chilam當然開心自己嘅生活態度可以得到老婆嘅理解同認可。結婚咁多年,Chilam玩車,賽馬,靚靚買手袋,兩人各有自己嘅愛好。結婚咁耐唔買樓,靚靚都毫無怨言,大家嘅目標同方向都一致,一齊生活先會更加開心。否則只會變成一對怨偶。

「躁」亦有度 老公面子最重要

袁詠儀傳授女人必學馭夫術💑! 與張智霖恩愛27年全靠明「眨」暗「煲」

靚靚出咗名脾氣暴躁,但其實佢嘅「暴躁」係好有分寸嘅嗰種。絕對唔會無理取鬧。而作為公眾人物,靚靚都會隨時顧及老公面子。真正影響到老公聲譽嘅傳言會馬上否認。舊年兩人曾經被媒體影到疑似喺條街度嗌交,仲一前一後行路,火花四濺,靚靚都有馬上喺微博澄清返。非常維護老公同兩人嘅關係。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

▲Chilam,靚靚同圈中嘅顧家愛妻一族都玩得好好,經常同發哥夫婦、蔡一智夫婦聚會。

Chilam 是「愛」不是「怕」老婆

袁詠儀傳授女人必學馭夫術💑! 與張智霖恩愛27年全靠明「眨」暗「煲」

婚姻只有單方面付出又點夠,Chilam當然都係一個好老公。除咗照顧囝囝,做家中嘅頂樑柱之外,雖然Chilam抱怨老婆鐘意買名牌手袋,但有老婆心水佢都心甘情願埋單。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

雖然佢要減肥唔食Pancake,但老婆鐘意佢都會每個禮拜陪老婆去食。

袁詠儀傳授女人必學馭夫術💑! 與張智霖恩愛27年全靠明「眨」暗「煲」

靚靚同Chilam食個雪糕都要放閃

袁詠儀傳授女人必學馭夫術💑! 與張智霖恩愛27年全靠明「眨」暗「煲」

兩人嘅結婚紀念日,Chilam喺微博上話,覺得一齊27年,一家三口,已經好滿足。有時候可能真正嘅愛情反而更簡單。

LOAD MORE