【2019豬年賀歲片】 王菀之擔正兩齣電影封新喜劇之后

喺《如珠如寶》入面，Ivana扮演一間老人院嘅看護，作為唯一嘅看護姐姐，Ivana要湊住吳耀漢，梁小龍，泰迪羅賓，恬妞，洪金寶五個老人家之外，又要同院長林敏驄一齊對付林雪同佢派嚟搞破壞嘅張繼聰同阿Bob。

不過講到音樂元素，如果鐘意Musical嘢，另一部賀歲檔喜劇「你咪理，我愛你！」一定更加滿足到大家，事關呢部由王祖藍首次執導演筒嘅作品，係香港第一部港鏟歌舞電影，祖藍幾乎請咗半個娛樂圈嚟演，超過50位演員，其中包括毛舜筠、曾志偉、王菀之、鮑起靜、余安安、鄭秀文、容祖兒、謝君豪、岑麗香、白只、王浩信、詹瑞文、方力申、凌文龍、楊詩敏 (蝦頭)、湯怡等等，有13個獨立嘅故事。

不過如果賀歲檔唔想睇喜劇想睇啲其他題材嘅電影？「廉政風雲：煙幕」一樣滿足你唔同口味，有張家輝，劉青雲，林嘉欣主演，影帝影后齊集，陣容夠強，麥兆輝導演，莊文強監製，品質保證，再加上熟悉嘅警匪犯罪題材，觀眾肯定覺得好難中伏，會想買飛入場。喺齣齣都係笑哈哈嘅喜劇片入面，話唔埋可以成功跑出，成為今年賀歲檔最大贏家。

最後不得不提的當然是星爺新作《新喜劇之王》啦！打正旗號係要延續20年前《喜劇之王》 嘅咖哩啡故事，不過網上就有不少負面聲音，未睇就先批評電影由內地演員擔正，缺乏地道「港味」 ，到底星爺今次能否再創票房奇蹟，大家拭目以待。