feature

出道10年新聞多!吳千語踩入網紅界 無懼網上批評:人非幾個標籤就可以形容

吳千語出道10年新聞多|踩入網紅界 無懼網上批評:人非幾個標籤就可以形容

吳千語(Karena)17歲出道,因為人氣急升而成為娛樂新聞常客,那時候,她還只是20出頭的少女,卻要面對種種報道與抨擊。這10年來她從未放棄,即使身上背負多個標籤,仍在演藝路上全速前進。以下就由當事人親自解話,這些標籤背後的真相。


出道早成名快 吳千語:我覺得自己好幸運

出道10年新聞多!吳千語專注自我增值 無懼網上批評:人非幾個標籤就可
▲Miu Miu格紋針織外套、連身裙及閃石胸針

因為起步早,不經不覺已在娛樂圈打滾10年的Karena,也不禁慨嘆時間過得太快。

「人愈大時間真係過得愈快!以前細個,係會每日count住時間幾時完,而家反而覺得時間過得太快,好多嘢都做唔切。我呢10年間都過得好充實,完成咗好多想做嘅,又或者經歷咗啲冇諗過要經歷嘅。10年真係唔短嘅時間,但真係過得好快。」

出道10年新聞多!吳千語專注自我增值 無懼網上批評:人非幾個標籤就可
▲Louis Vuitton黑色拼橙色連身裙;Lanvin酒紅色皮革長靴及金屬唇膏造型耳環

一入行就成功,Karena令不少追夢人眼紅,但對於她來說,紅得快壓力大,真的是她想要的嗎?

「整體嚟講,我都覺得自己好幸運。但人真係唔可以同其他人去比較,亦唔可以後悔,過去會有啲嘢做得唔夠好、冇做到應該做嘅嘢⋯⋯冇得後悔就唯有由今日開始做。」過去面對的戀愛風波、身世之謎等種種緋聞,造就了Karena的心理成長,如今面對各種風言風語,她有一套淡定的處理方法。

出道10年新聞多!吳千語專注自我增值 無懼網上批評:人非幾個標籤就可

「其實我唔會睇返啲留言。因為好嘅留言,睇完個人難免會飄飄然,唔好嘅又會令我唔開心喎,咁睇嚟做咩呢?」雖然對留言批評無感,但Karena也不會無視粉絲對她的關心;遇上有人寫下長篇留言,她也非常感激。

「有人會喺我嘅社交媒體上發問,或者關心我嘅情況,對於呢類真心嘅留言,我都會回答。」曾經有人留言指出她說話時的缺點及改善方法,最後她也照單全收,更跟着對方意見改進。

離港拍劇 強化獨立自主個性

出道10年新聞多!吳千語專注自我增值 無懼網上批評:人非幾個標籤就可
▲Louis Vuitton黑色拼橙色連身裙;Prada白色皮革拼銀色AirPods case手鐲;Lanvin金屬唇膏造型耳環

多套賀歲片的成功,令Karena成功打入內地市場,近年也到過不同的城市工作,每次有新job,少不免離港幾個月,也造成了她愈漸獨立的生活。

出道10年新聞多!吳千語專注自我增值 無懼網上批評:人非幾個標籤就可
▲Bottega Veneta青綠色拼啡黑色針織流蘇連身裙

「喺內地嘅生活其實好規律,但一定會少咗時間留喺屋企,同屋企人見面或者係照顧家中嘅寵物等等。始終又未做人呀媽,或者有其他責任喺身,仲可以話去邊就去邊、去幾耐就幾耐。我都享受喺唔同嘅地方生活,始終有啲體驗,係要趁你仲係一個人嘅時候做,當你有咗家庭責任,就唔再一樣。」

眼見身邊不少已為人妻人母的演員,為家庭作出了不少犧牲,Karena也決定把握好自由生活,多接拍長劇,即使要離港多長時間也不怕。

自學拍片 挑戰網紅世界

出道10年新聞多!吳千語專注自我增值 無懼網上批評:人非幾個標籤就可
▲Miu Miu格紋針織外套、連身裙、閃石胸針及黑色皮革拼窩釘鞋

入行10年除了經歷過大風大浪,Karena也親自見證了新媒體的興起,眼見現在愈來愈多網紅跨界踏入娛樂圈,她認為藝人也應該一同進步,嘗試透過不同平台拉近與粉絲的距離,反過來變成「網紅」,與觀眾分享自己的日常生活。

「以前嘅藝人,多數喺報紙雜誌出現,但呢啲都係人哋嘅platform。而家嘅網絡世界,每個人都可以有自己嘅voice,人哋睇你,係睇緊你自己個人,而唔係透過第3者角度去了解你,所以我而家都有好多嘢要學,例如點樣呈現自己想表達嘅訊息。」

出道10年新聞多!吳千語專注自我增值 無懼網上批評:人非幾個標籤就可

▲吳千語:「每個人應該多元化,非幾個字就可以形容。人嘅感情咁複雜,點可以只用4、5個詞語去形容呢?」

為了讓觀眾看到100%真實的吳千語,她由拍攝、剪接、配樂、後期製作等統統親力親為。

「人哋唔會知你想capture邊段內容、想表達啲咩,唯有自己一手一腳做,先可以控制到output。但剪片真係好難,我剪一條幾分鐘嘅片,都要用兩日full day。」

出道10年新聞多!吳千語專注自我增值 無懼網上批評:人非幾個標籤就可

雖說行業本來就不應存在高低之分,但仍有不了人認為網紅最終目標也是成名,踏入演藝圈。現在Karena反其道而行,多招一個「網紅」標籤上身,又會否怕引來另一波的負面批評?

「其實而家網紅嘅力量好大,佢哋好有說服力。好似佢哋主持嘅網購直播,真係好犀利,我都會跟住佢哋買嘢。佢哋就好似金牌sales,佢講完你就會想買。呢個模式,以後都會一直存在。而且今時今日有邊個artist唔使做埋網絡?個世界變緊,你就要跟住佢變,如果唔係你就係退步。」

從入廚學會不勉強不執着

出道10年新聞多!吳千語專注自我增值 無懼網上批評:人非幾個標籤就可

在Karena日常分享的影片、相片中,不難發現她對美食的追求。「食嘢都算係興趣嚟,有啲人真係冇呢種興趣,同埋我自己又鍾意煮嘢食,有時我食到一樣好味嘅嘢,都會研究下點煮。」

因為生長於廣東家庭,身邊不乏烹飪達人,造成她從小「為食」的個性,也令她不經不覺間愛上了下廚。「我覺得佢哋對食係好有追求,可能因為咁,對我都有影響。」

出道10年新聞多!吳千語專注自我增值 無懼網上批評:人非幾個標籤就可
▲Prada灰色拼黑色串珠背心、紫色背心恤衫及深藍色領呔;Philippe Audibert三層金屬戒指及Kenneth Jay Lane圓形金屬戒指All from Lane Cawford

在烹飪的過程中,她更學會了放下對完美的執着,順應事情本身發展,尋覓到他人從未發現的方法。

「有次我浸隻雞,當我拎出嚟時,雞髀的位置仲係生嘅,但雞胸就啱啱好。從此我就學識將雞髀同雞胸分開浸。有時就係要試,先會搵到新發現。呢啲都係人哋教唔到,甚至上網都搵唔到嘅秘方。但喺嘗試嘅過程,你就可以學習、摸索得到。」

出道10年新聞多!吳千語專注自我增值 無懼網上批評:人非幾個標籤就可

這更令她發現,過分追求完美,只會是人生路上的絆腳石。「我以前一係唔做,一做就要完美。但後來有朋友話我:『呢個世界冇最好,只有愈做愈好。』當時我就覺得好有道理,人唔應該驚做唔到最好就唔去做⋯⋯一定要試下挑戰,件事先會愈做愈好。」

無懼標籤定型 最想成為開心果

出道10年新聞多!吳千語專注自我增值 無懼網上批評:人非幾個標籤就可

因為敢於嘗試,Karena參與的新作題材變得更廣泛。在劇集《熟女強人》中,更初次挑戰雙性戀角色,一改過去嬌柔女生的印象。她更指出,她的終極目標並非要有多大的成就,反而是成為一個"Fun to Watch",人人都會喜歡的開心果。

「大家鍾意睇一個人,一定有原因,可能佢好好笑、可能佢講嘅嘢有用⋯⋯無論係咩原因,我都想人哋睇完我嘅作品會覺得開心、得意。因為我都只係想娛樂下大家,有好多嘢,真係唔需要咁認真。」

Photo by Michael Wong
Art direction by Sandy Chiu
Styling by Ling Lai
Makeup by Him Ng@The Attic
Hair by Zoe Fan
Styling assisted by Vicky Wan

LOAD MORE