【第90屆奧斯卡】演邱吉爾入型入格 《黑暗對峙 》Gary Oldman 大熱封帝

【第90屆奧斯卡】演邱吉爾入型入格 《黑暗對峙 》Gary Oldman 大熱封帝

Gary Oldma 第二次提名奧斯卡影帝成功奪獎,憑電影《黑暗對峙 》獲頒最佳男主角。早前已於金球獎封帝的他一直被視為賽前大熱,果然最終不負眾望,揮低曾經三次奪得此獎項的Daniel Day-Lewis捧走小金人。 Gary Oldman領獎時不忘感激大會,說自己於美國住了多年,早已當那裡是自己的家。拍電影是他的夢想,最終夢想成真!另外Gary Oldman 亦特別向他於戲中扮演的邱吉爾致敬,亦向在場的太太發表愛的宣言,感謝她一直以來在身邊送上支持。

by 二弟

《哈利波特》天狼星、吸血鬼德古拉、刺殺甘迺迪、騎劫空軍一號頭目⋯⋯呢啲殺人唔眨眼,眨眼唔殺人嘅角色,全部都係英國男演員Gary Oldman嘅經典演出,下下都有陰謀,今年60歲做番好人,於《黑暗對峙》中演歷史人物邱吉爾。

演奸角居多

《哈利波特》天狼星、吸血鬼德古拉、刺殺甘迺迪、騎劫空軍一號頭目⋯⋯呢啲殺人唔眨眼,眨眼唔殺人嘅角色,全部都係英國男演員Gary Oldman嘅經典演出,下下都有陰謀,今年60歲做番好人,於《黑暗對峙》中演歷史人物邱吉爾。

做足三十年綠葉

gary-oldman-jfk-dracula

老老實實,Gary Oldman七幾年拍舞台劇,八幾年開始拍戲,認真係,阿叔拍戲果陣你都未出世!只不過,要去到九十年代先至為人熟悉,原因係做奸角!無奸不做,無堅不摧,Gary Oldman先喺91年做《JFK驚天大刺殺》刺殺甘迺迪嘅疑犯、92年《吸血殭屍:驚情四百年》嘅吸血殭屍德古拉,奠定奸佬之路。

殺總統劫專機

gary-oldman-air-force-one
gary-oldman-leon

聽聽埋埋,可能你都冇睇過果啲戲,又或者少女你真係太年輕了。九十年代中,幾套經典電影都有佢份:《這個殺手不太冷》,佢唔係殺手,但做陰險警察,賤格!《第五元素》同惡魔結盟殺族人,衰人!《空軍一號》騎劫總統專機,大膽!

哈利波特天狼星

gary-oldman-harry-potter

如果頭先講果啲你都冇睇過,咁你真係要睇番!再講幾部,你肯定有睇嘅,係愛呀哈利波特,佢就係天狼星喇!八套《哈利波特》大電影,佢演咗一半,天狼星係點,唔駛我多講啦!係咪有番啲印象喇?

從良做蝙蝠俠正義局長

gary-oldman-batman

你以為佢只係鄭子誠上身咩?咁你又錯喇,佢臨近50歲,做足三集《蝙蝠俠》三部曲,飾演正義嘅Gordon警察局長,你知啦,做警察唔一定正義架嘛,不過佢又演得幾好喎,至少令人改觀啦。

英國人難拎影帝?

gary-oldman-tinker-tailor-soldier-spy

直到2012年,佢拍英國經典間諜小說改編嘅同名電影《諜網迷蹤》,搵出潛入英國嘅蘇聯間諜。呢啲攞獎戲成功令佢拎到第一個奧斯卡提名,但拎唔到獎,始終英國人拎影帝,係難啲嘅,結果今次終於憑《黑暗對峙》再次提名!

再世邱吉爾

gary-oldman-churchill

入行三十幾年,第二次挑戰奧斯卡。呢位港版鄭子誠,今次扮演邱吉爾出神入化,據講佢一開始佢唔想演,覺得扮極唔似,直至佢搵到金像級日本特技化妝師辻一弘出山,造型神似,加埋佢公認嘅演技,提名冇難度,結果仲比佢拎埋影帝!

LOAD MORE