editing

有相睇喇!Grace鄭嘉穎峇里Warm爆完婚,賓客見證鄭生鄭太情深一吻!

有相睇喇!Grace鄭嘉穎峇里Warm爆完婚,賓客見證鄭生鄭太情深一吻!

恭喜鄭生鄭太!港姐陳凱琳(Grace)與視帝鄭嘉穎相隔22年嘅父女戀修成正果,今日於峇里舉行浪漫婚禮,雙方致詞時感動落淚,步出教堂情深一吻,場面Warm爆,一齊睇吓有咩必睇位?

by COSMO

接新娘唱「一千個願意」

雖然於海外舉行婚禮,不過Grace與鄭嘉穎都有做足習俗,未有忽略着裙褂、接新娘及向父母敬茶嘅傳統,娶老婆去到盡,新郎即場應新娘子要求,大唱首本名曲《一千個願意》,繼而施展公主抱絕招,將Grace抱到大廳敬茶,好Man呀!

行禮講誓詞感動落淚

Grace行禮時換上露肩婚紗配上BVLGARI鑽飾大晒貴氣,有傳佢與鄭嘉穎各自準備誓詞,於簡單而隆重的儀式上講到眼濕濕,新郎勁冧老婆:「多謝你答應嫁畀我,無論以後條路係點,我哋一齊行落去,我會照顧你一生一世!」雙方媽媽都不禁落淚,場面感人!二人步出教堂即冧爆咀嘴,Sweet到暈!

圈中兄弟姊妹親身見證

新人於圈中人緣勁好,拍劇識落一班兄弟姊妹,Grace嘅好姊妹陳嘉寶(Anjay)同賴慰玲(Winki)一早就飛到當地,而鄭嘉穎一班《鐵馬尋橋》拍檔包括唐詩詠、馬國明、黃嘉樂、林子善,加埋黃智賢、黎耀祥以及曹永廉都有到場做兄弟,婚禮前已密密搞鬼留影,見證老友結婚難掩興奮心情!

六星級度假別墅出嫁

成為 CosMart 會員,儲積分可換領專屬優惠
成為 CosMart 會員,儲積分可換領專屬優惠

Grace與鄭嘉穎揀中峇里六星級度假別墅BVLGARI Resort Bali舉行婚禮,有傳佢哋請來80位親友見證人生大事,別墅房價最少約6千港元,18000呎嘅新房日租更近2萬港元,外界有傳婚禮使費達百萬都有數得計!不過別墅坐落於海拔150米高的懸崖,見到無敵大海景仲有獨特設計嘅教堂同花園靚景,最重要仲有佢哋同賓客嘅笑容,相信鄭生鄭太都覺得無價!

搵表妹操刀影婚照

結婚係人生大事,當然要搵個信得過又岩心水嘅攝影師紀錄一切,據知鄭嘉穎就搵咗攝影師表妹王賢詠操刀,琴日於海邊拍下一系列靚相!

相關影片
MORE FROM
LOAD MORE
全新會員獎賞計劃 
搜羅潮流最新優惠

本公司旗下雜誌會員計劃 Cosmo BFF Club 已升級為 CosMart 會員獎賞計劃。

上嚟 CosMart 網站、Facebook 及 Instagram 留意我哋最新最熱優惠著數,令你嘆、住、食、買、玩都可以花得精明、買得聰明、玩得盡興。

仲等?立即登入/登記賺取積分,獲取更多獎賞驚喜!