【愛犬離世】張敬軒關智斌哭乾眼淚發文哀悼

軒仔之前曾經於訪問時中提及為了照顧病重嘅「飯團」，特意請咗四個人24小時輪流照顧愛犬。佢更指自己連日來以淚洗面，無意再養新寵物。

面對自己對「飯團」嘅思念，軒仔再喺IG發文寫道：「過去的十三年，我一個人在香港生活，他陪伴了我絕大部分的時間，伴我渡過無數工作和生活中的難關，見證著我的高低起跌。他是我的傾訴對象。我悲傷時，他會靜靜的爬在一旁陪我；我生病時，他會守在我的床邊；我快樂時，他總搖著尾巴，分享我的喜悅。」

除咗對「飯團」相處嘅點滴湧上心頭，佢仲寫道：「我暫時找不到方法對付那撕心裂肺的痛，於是只能在出門工作前把眼淚哭乾，盡量不把情緒帶到工作當中。希望大家原諒我這幾天的精神狀態和表現。我對在工作過程中所出現的失誤，抱以最深的歉意。感謝大家的問候和支持，我會盡快恢復過來」。

兩位面對「飯團」離世，都懶理緋聞再被翻炒，公開表示對愛犬嘅思念，就知「飯團」喺佢哋心目中係幾咁重要。