以為送陶瓷碟已經夠晒Gimmick？未算呀！軒仔相約Fans交收當日，仲扮成網民話同佢撞樣嘅南非騎師麥偉利出場，更Call埋另一位「麥生」麥長青齊齊派碟，成功令Fans又驚又喜。
除咗扮麥偉利，軒仔亦曾順應民意利用冬甩和多個牛角包模仿愛瑪屈臣（Emma Watson）的性感造型。
軒仔連同門師兄謝霆鋒都唔放過，兩邊膊頭掛上生麵，拿起叉住肥牛的筷子放入鍋內快速攪拌。兩團生麵揈揈吓，張敬軒在英姿及造型完美演譯最愛Chok住下廚的「Chef Nic」。
軒仔亦喺社交網站上載多張自己模擬扮女人着上民族服裝嘅造型，唔少網民睇完都大讚軒仔「靚女」。
Cosplay亦難唔到軒仔，戴上紫色假髮，加上表情，儼如卡通人物「小忌廉」。
軒仔個樣夠晒百搭之外，也有網民發現，唔少女歌手嘅歌調低兩個聲調後，聲線竟然變得酷似軒仔！軒仔之前已經試過化名降兩度（Gonlando）開Live，因應歌迷反應熱烈，他已計劃再開，今次比上次玩得更認真，將於6月殺入紅館開3場演唱會。早前軒仔更拍下搞鬼宣傳照，火燒頭髮BBQ，隔住個Mon都Feel到陣燶味。
能夠將歌手包袱放下得那麼徹底，抵軒仔一直受盡網友喜愛。
