editing

「股神班」畢業黃曉明身陷18億股票操縱案風波,下一個被抓係邊個?

「股神班」畢業黃曉明身陷18億股票操縱案風波,下一個被抓係邊個?

內地演藝圈最近一直風波不斷。先有傳范冰冰因為捲入陰陽合同案件,被警方帶走調查,宜家又有一名巨星出事,佢就係內地一線小生黃曉明。而佢又係因咩事被人調查呢?其實同片酬無關。

by COSMO

黃曉明演過《大漢天子》《神雕俠侶》等電視劇,以及《風聲》《無問西東》等電影,但對於香港人嚟講,佢最出名嘅身份應該係Angelababy嘅老公。

18億股票操縱案始末

早前內地證監會公布,北京一名投資合伙人高勇涉及操縱股市,通過佢直接控制嘅兩個信託賬戶和14個委託其操作嘅自然人賬戶,大筆買入一隻股票并抬高股價,導致呢隻股票喺半年內身價暴漲3倍,共計非法獲利近8.79億。

14個自然人賬戶中就有黃曉明,既係話自稱娛樂圈老大哥老好人嘅黃曉明好人好到要將嘅戶口借俾自稱民間股神嘅高勇炒股。

黃曉明經常演出一啲“霸道總裁”嘅角色,原來現實中都係家財萬貫兼好識揾錢。

 

不過黃曉明喺微博上回應,話呢個賬戶開通之後一直交由媽媽打理,而媽媽就交俾一個姓路嘅人去投資,自己從來未去管理過,而且亦唔識高勇呢個人。

簡而言之就係全部賴嗮落阿媽身上。但事實真相係點,只有佢哋一家人清楚,而黃媽媽當然冇聲出,幫愛子食死貓啦。

不過最近證監會都有回應輿論稱黃曉明未列入犯罪嫌疑人之中,證明佢暫時都唔會有事住。

 

雖然黃曉明話自己冇參與股票操縱案,又話佢名下賬戶係交由媽媽打理,但其實黃曉明真係好熱衷於做生意。

 

早前有內地調查公司調查內地明星名下公司,黃曉明一共有48家公司,僅次於胡海泉(男子組合羽泉成員之一)。可見黃曉明唔單只係一個演員,仲係個生意人。

其實內地巨星揾錢一向瓣數多,黃曉明捲入股票操縱案風波大家可能都已經見慣不怪。事關黃曉明大學所在嘅北京電影學院表演系96班,簡直成班都係股神。

 

96屆表演班有黃曉明,趙薇,陳坤,郭曉冬等著名藝人,估計私底下都經常交流生意之道。其中趙薇更係一名商業奇才。

 

趙薇名下有16間公司,橫跨餐飲,影視,酒莊,投資等多個產業,喺股市投資方面,佢更係明星中嘅先驅者,14年通過購買阿里影業嘅股份獲利8億元,但當年佢嘅傳媒公司喺收購案中被判資金準備不足,以空殼公司收購上市公司,被證監會罰款60萬,並且5年內禁止進入股票市場。

趙薇仲一度獲封“女版巴菲特”。

 

打入商界之後趙薇個樣都越嚟越霸氣,越嚟越似女總裁,唔再係以前嗰個天真爛漫嘅小燕子了。

樹大招風,明星都好容易捲入金錢糾紛,之前楊冪被爆出“詐捐門”,原本話捐俾成都一間盲人公司一批盲杖,但係最後冇捐到,楊冪方面就話係中間聯繫人嘅問題,自己都係受害者。

明星嘅光環好容易被人利用,但點講都好,但凡出咗呢類同金錢有關嘅醜聞嘅明星,名聲都難免會下降,影視生涯都會大打折扣嘞。之後黃曉明要回升自己嘅人氣同聲望,都唔係一件容易事。

LOAD MORE