【海潮跌膊出山】半百美魔女溫碧霞出寫真睇得又唱得
有一種女神,硬係唔識老。現年五十有一嘅溫碧霞(Irene)除咗擁有凍齡童顏之外,姣好身材更加完成無走過樣,多年嚟都keep住咁索。最近Irene仲宣佈將會喺六月推出以佢喺九二年主演無線劇集《火玫瑰》嘅角色「海潮」命名嘅寫真兼加碼舉行埋《溫碧霞海潮演唱會2018》添。

大家無睇錯呀!其實除咗演戲,連唱歌都難唔到Irene。 當年廿五歲嘅Irene加入樂壇,處女碟仲以自己英文名命名叫《Irene》,黎瑞恩、許秋怡同張智霖為同期新人。雖然喺樂壇頒獎禮無咩成績,但第二張唱片《海潮》都幾賣得架!


早前Irene仲上埋大台節目《流行經典50年》,唱番佢首經典歌《海潮》,唔少網友都贊佢唱功大躍進,相信呢次演唱會都會帶俾歌迷唔少驚喜!

至於寫真集,Irene就透露早前遠赴塞班島取景,除咗有常見嘅比堅尼,仲會有床照,甚至只剩下底底,只用床單遮住身體,意識非常大膽,絕對比Irene平時鍾意嘅跌膊造型更加有睇頭呀!




Irene仲表示今年會全力工作,出寫真、開演唱會之餘,仲會開拍一部自傳式嘅電影《我們的十八歲》,講述由幾歲到十幾歲嘅成長經歷。

Irene仲喺微博曬出海邊度假嘅照片,照片中穿粉色吊帶裙,頭戴花環真係完全睇唔出已經51歲。 另外,佢仲開心Share一家三口嘅合影,不知幾咁溫馨呀。



感謝閣下訂閱Cosmo電子報。
閣下將收到一封電郵確認,謝謝支持!
閣下已註冊Cosmo電子報,請按下註冊電郵上的連結,以激活閣下的帳號。
如果未收到註冊電郵,請按此重發。
閣下已曾註冊Cosmo電子報,請前往設定更改閣下的訂閱選擇。
據系統顯示,閣下為CosMart會員;如想訂閱Cosmo電子報,請前往CosMart後台設定 - 接收電郵設定更改閣下的訂閱選擇。