有一種女神，硬係唔識老。現年五十有一嘅溫碧霞(Irene)除咗擁有凍齡童顏之外，姣好身材更加完成無走過樣，多年嚟都keep住咁索。最近Irene仲宣佈將會喺六月推出以佢喺九二年主演無線劇集《火玫瑰》嘅角色「海潮」命名嘅寫真兼加碼舉行埋《溫碧霞海潮演唱會2018》添。
登入 瀏覽本網站，可獲取積分換領專屬優惠
點擊查看專屬優惠
早前Irene仲上埋大台節目《流行經典50年》，唱番佢首經典歌《海潮》，唔少網友都贊佢唱功大躍進，相信呢次演唱會都會帶俾歌迷唔少驚喜！
至於寫真集，Irene就透露早前遠赴塞班島取景，除咗有常見嘅比堅尼，仲會有床照，甚至只剩下底底，只用床單遮住身體，意識非常大膽，絕對比Irene平時鍾意嘅跌膊造型更加有睇頭呀!
Irene仲表示今年會全力工作，出寫真、開演唱會之餘，仲會開拍一部自傳式嘅電影《我們的十八歲》，講述由幾歲到十幾歲嘅成長經歷。
感情方面，面臨過婚姻危機嘅Irene就指同老公分居一段時間後，彼此感情更勝從前，因為知道大家都好愛大家，依家明白家庭比事業更重要。Irene亦計劃待養子Xavier中學時陪去一齊去美國讀書，而自己就讀Art，希望試過簡單生活。
至於被外界誤會Irene去美國，係咪暗示想退出演藝圈，Irene就喺微博強調絕無此事，仲話「我只是說希望未來有可能會想去美國讀書，而不是現在就去。」佢表示好鍾意自己的演藝事業「我是不會放棄我的事業和理想的，請大家放心」。
Irene仲喺微博曬出海邊度假嘅照片，照片中穿粉色吊帶裙，頭戴花環真係完全睇唔出已經51歲。 另外，佢仲開心Share一家三口嘅合影，不知幾咁溫馨呀。
立即訂閱接收Cosmo最新潮流資訊
訂閱電子報，獲得更多資訊、體驗及禮遇