【海潮跌膊出山】半百美魔女溫碧霞出寫真睇得又唱得

至於寫真集，Irene就透露早前遠赴塞班島取景，除咗有常見嘅比堅尼，仲會有床照，甚至只剩下底底，只用床單遮住身體，意識非常大膽，絕對比Irene平時鍾意嘅跌膊造型更加有睇頭呀!

感情方面，面臨過婚姻危機嘅Irene就指同老公分居一段時間後，彼此感情更勝從前，因為知道大家都好愛大家，依家明白家庭比事業更重要。Irene亦計劃待養子Xavier中學時陪去一齊去美國讀書，而自己就讀Art，希望試過簡單生活。

至於被外界誤會Irene去美國，係咪暗示想退出演藝圈，Irene就喺微博強調絕無此事，仲話「我只是說希望未來有可能會想去美國讀書，而不是現在就去。」佢表示好鍾意自己的演藝事業「我是不會放棄我的事業和理想的，請大家放心」。