feature

【有片】黎明通話流出!麥浚龍請天王合唱90年代風格新歌 🤩重溫Leon經典電話廣告對白、金句

【有片】黎明通話流出!麥浚龍請天王合唱90年代風格新歌 🤩重溫Leon經典電話廣告對白、金句

黎明唔止係天王,仲係那些年嘅廣告天王!多得麥浚龍最近搵Leon合唱新歌《忘記和記》,又再次勾起大家對呢位天王嘅集體回憶。黎明90年代拍過唔少手提電話廣告,紅了不少擔當女主角的「阿May」 ,亦紅了不少經典廣告對白。「要贏人先要贏自己」、「Can I have your number」⋯⋯大家還記得多少出自Leon口的撩妹金句?


新歌《忘記和記》向90年代廣告歌致敬

麥浚龍一直都很想創作一首屬於九十年代、充滿本地風格的歌曲:「節拍強勁、高能量的慢歌,這種方向的曲式在近年市場上幾乎絕跡。」

聽一下《忘記和記》這首新歌的旋律,難免會想起Leon想當年一些膾灸人口的手提電話廣告歌。連Juno也是這樣說的:「當收到DEMO後,我很記得聽到4分20秒時,我突然想起一個人,有一種很強烈的感覺,這個部分屬於他,於是便立即向雷頌德索取他的聯絡方法,而他便是黎明。」

【有聲】黎明通話流出!Juno求天王合唱致敬90年代 🤩重溫Leon經典電話廣告對白

在這次合作之前,麥浚龍與黎明素未謀面。內斂的他之所以敢「膽粗粗」致電黎明,全因對創作的一份堅持和追求:「Leon和Juno,於大眾看來可說是『大纜都扯唔埋』的兩位,合作會有什麼火花呢?光是想到這裡已經很期待;加上今次參與創作的單位,包括雷頌德和黃偉文,大家的熱情、力量和投入度都很高,這次合作讓我有心跳冒汗的感覺,很罕有,很珍貴,希望大家喜歡。」

Juno與Leon電話通話錄音來自真實情景

Juno與Leon電話通話內容

Juno :「喂,唔該Leon啊。」

Leon :「喂,係。Juno?」

Juno:「係呀。你好,唔好意思打攪你。你方唔方便?」

Leon:「唔打攪。 請講。」

Juno :「我有首新歌想搵你。」

Leon:「聽三次而入腦嘅話再講。」

Juno:「好。」

Leon:「首歌講咩?」

Juno:「「忘記」和「記」」。

Leon:「「「忘記」和「記」,呢啲嘢有時唔到我地選擇。」

Juno:「聽完之後仲記得的話,打俾我。」

Leon:「十二小時內覆你。」

【有聲】黎明通話流出!Juno求天王合唱致敬90年代 🤩重溫Leon經典電話廣告對白

Juno 在新歌推出前,在Instagram率先分享了一段佢同Leon嘅電話對話錄音。編輯本來也以為這是宣傳搞作,後來才知道這的確是當日Juno膽粗粗致電天王的真實情境。

收到麥浚龍的邀請後,黎明在12小時內便答應合作。「雖然沒有見過面,但腦海對他(Juno)有好多印象。我認為他是一個很有獨特性創意的人,感覺互相穿插於對方的世界中,都是一種學習。Juno很詳盡地解釋故事,以及希望在市場表達什麼訊息。其實我相信很多人會憑一種直覺去抉擇,和確認一首歌是否動聽。就好似我第一次回答一樣,聽三次,我覺得好便會做。」

【有聲】黎明通話流出!Juno求天王合唱致敬90年代 🤩重溫Leon經典電話廣告對白

原來對於黎明來說,除了重要事情要講三次,重要的歌也要聽三次,大家學到了嗎?

黎明、「和記」不解之綠

【有聲】黎明通話流出!Juno求天王合唱致敬90年代 🤩重溫Leon經典電話廣告對白

麥浚龍的新歌想表達的是「忘記」和「記」,不過歌名字面卻包含着大家對「Leon」和「和記」的集體回憶。

【有聲】黎明通話流出!Juno求天王合唱致敬90年代 🤩重溫Leon經典電話廣告對白

90至千禧年代Leon為和記電拍下的一連串廣告,可以說是經典中的經典,大家一定會記得。想當年紅了不少擔當女主角的「阿May」,亦紅了不少經典廣告對白,以下這幾句出自Leon口的撩妹金句你又記不記得呢?

黎明經典廣告對白#1:「阿May,你點呀?」

「阿May」到底係邊位,仲有冇人記得?就好似一講起「阿寶」你會諗起葉念琛,一講起「阿May」你就會諗起Leon一樣。「阿May」係Leon 90年電話廣告嘅女主角,同「阿寶」一樣可以係任何人。唔少新面孔都因為阿May一角爆紅,可惜並唔包括呢位元組級「阿May」(梁渝飾)。片中阿May因為整親腳去唔到Leon演唱會,不過卻驚喜換來與偶像通電話的機會。 

黎明經典廣告對白#2:「有緣嘅我地會再見」

「阿May」今次換成童愛玲。想當年嚟講呢個廣告真係好高質,而且睇得出廣告商相當揼本,拍到成部愛情、動作 微電影一樣。

黎明經典廣告對白#3:「我好忙,陪唔到你,希望你Understand」

Leon好忙冇時間陪阿May(陳浥萍飾), 不過好彩有call機,一個留言阿May就understand原來男朋友係好掛住自己㗎!

黎明經典廣告對白#4:「有緣嘅我地實會見到面,有啲嘢我想你安排下」

未曾相見,Leon就同阿May(陳婉兒飾)flirt 來flirt去,現今男女玩交友App都可以試下用呢句金句。

黎明經典廣告對白#5:「要赢人,先要赢到自己」 

想到Leon同其餘三大天王惡鬥多年,呢句經典對白出自佢把口寧舍有意思。女主角楊采妮好省鏡,不過編輯更留意當年做佢細佬嘅小鮮肉版馮德倫。

Leon憤怒中又帶點愛,相信好多女粉絲睇廣告嗰時都忍唔住跟住混血女主角Lee Ann甜笑。

黎明經典廣告對白#7:「Just to say hi」

Leon 同邊個say hi?原來係全智賢 ! 女神個樣同而家比無咩大改變,係少女嗰時多陣清純味啫。

黎明經典廣告對白#8:「Can I have you number?」

呢句簡直係「抄牌」金句!相信當年有唔少男士一度認為用英文問人攞電話成功機會係會大啲。

呢個廣告紅極一時,影帝張家輝都曾經喺電影入面惡搞。

LOAD MORE