新一年首先祝大家新年快樂！新一年有冇咩新願望同計劃先？但係喺大家未諗好新一年有咩resolution嘅同時，韓國媒體「Dispatch」就爆出第一對元旦情侶，主角竟然係EXO成員Kai同BLACKPINK成員Jennie！估唔到新一年第一日就要粉絲失戀啦！
登入 瀏覽本網站，可獲取積分換領專屬優惠
點擊查看專屬優惠
KAI同JENNIE兩人遭拍到公園約會！Kai 喺12月2日結束海外行程回韓國後，直奔女方屋企過夜。
衣著跟兩人平常嘅穿搭非常相似，「Disoatch」更影到KAI開車去載JENNIE出門。
其實早喺2018年嘅10月，二人嘅社交媒體已經搵到線索，KAI同JENNIE喺10月期間一齊出席咗巴黎時裝周嘅活動，隨後二人都喺各自嘅Instagram上發佈咗喺巴黎鐵塔前影嘅相，令到粉絲們都不禁懷疑究竟張相係咪幫對方影㗎呢?
男方喺 11月25日也喺IG上傳Jennie「愛的視角」嘅照片，呢對CP值極高嘅情侶應該係罕見嘅「SM娛樂」同「YG娛樂」旗下人氣藝人交往嘅消息。
其實Jennie早喺十月已經曾被爆出戀愛，對象仲係YG旗下製作人，但係當時梁鉉錫就出面否認不實傳聞。「Dispatch」就表示當時嘅Jennie其實已陷入愛河，之不過對象係EXO嘅Kai並唔係梁鉉錫！
Jennie係Kai繼2017年6月同Jessica妹妹Krystal分手之後，時隔1年5個月再爆出嘅新對象。二人CP感情係超強，除咗顏值高企之外，著衫嘅風格都好相似！唔知呢對CP值爆燈嘅情侶究竟會點回應交往中嘅報道呢？
立即訂閱接收Cosmo最新潮流資訊
訂閱電子報，獲得更多資訊、體驗及禮遇