feature

王曼喜、王麗嘉姊妹情深有原因!Kayla:「有段日子佢好抗拒我!」

王曼喜、王麗嘉姊妹情深有原因!Kayla:「有段日子佢好抗拒我!」

談起星二代姊妹花,王曼喜(Kayla)和王麗嘉(Irisa)必定榜上有名。兩姊妹遺傳自父母王敏德、馬詩慧的亮麗形象和好身材,加上IG不約而同大曬性感照,大膽挑戰裸露尺度,吸引眼球。但大家眼中只看到Kayla 和 Irisa 的外在,卻未必了解她們的姊妹情和內心世界。


王曼喜少時反叛愛自由,成細妹的擋箭牌!

王曼喜、王麗嘉姊妹情深有原因!Kayla:「佢成日攞我做擋箭牌!」

兩姊妹美國留學歸來,鬼妹仔性格,自由自在無王管,誰料到媽媽Janet自小對兩姊妹管教甚嚴,既不能在外過夜,又不能紋身、穿耳等等。幸有家姐王曼喜的反叛,打破先例,妹妹王麗嘉才重獲「自由」:「無咗佢,我有好多嘢都做唔到!唔係佢自己做research 同媽媽提出去美國讀書,我都未必有得去;因為Kayla紋身、穿耳,我又跟住做。因為佢做咗,我先無俾媽咪鬧。」Kayla 加把咀:「佢釘多十個耳窿㖭!」可見有家姐做擋箭牌,多幸福!

On Kayla: Ralph Lauren金屬色連身裙;Dior金屬頸鏈;René Caovilla水晶閃石涼鞋
On Irisa: Nicole+Felicia閃片晚裝from The Wedding Gown;Dior金屬頸鏈;René Caovilla水晶閃石涼鞋

愛情大過天 V.S. 姊妹情深

王曼喜、王麗嘉姊妹情深有原因!Kayla:「佢成日攞我做擋箭牌!」

有姐的孩子像個寶,但Irisa 也不滿Kayla 愛情大過天!兩人即使同一屋簷下,很多時只靠IG 溝通,單身中的Irisa 借機表達不滿:「佢掛住拍拖呀!(你唔做電燈膽?)佢都無邀請我!」Kayla 馬上辯駁:「身邊好多朋友都重色輕友,我覺得好正常...」話口未完,妹妹再發聲:「我最憎啲人係咁!一拍拖就唔理我,但一分手又返嚟搵我。」看得出妹妹醋意甚濃,也甚需要姐姐的重視呢!

 

王曼喜、王麗嘉姊妹情深有原因!Kayla:「佢成日攞我做擋箭牌!」

見到妹妹呷醋,家姐當然識做,立即安慰:「 佢始終係我最close 嘅人,雖然依家未必成日溝通,見面唔多,但佢嘅地位好重要。無咗佢,好似無咗一忽肉咁!」

On Kayla: Dior印花雪紡襯衫及黑色西褲;Atelier Swarovski圓形金色水晶耳環
On Irisa: Loewe白色百褶連身裙;Atelier Swarovski圓形金色水晶耳環;Fendi白色高跟鞋

Kayla 喜歡同性,令姊妹陷入冷戰!

王曼喜、王麗嘉姊妹情深有原因!Kayla:「佢成日攞我做擋箭牌!」

姊妹間怎可能沒有嘈交冷戰?最大一次磨擦要回到中學時。那時兩姊妹讀同一間女校,妹妹Irisa 或多或少都見過家姐跟同性有親密接觸,有時甚至會帶回家。當年15、16歲的Kayla 已經知道自己喜歡女生,但比她少兩歲的Irisa對愛情依然懵懵懂懂,對家姐的性取向大惑不解:「以前細個唔係好明同性戀呢個概念,唔明點解女仔同女仔可以一齊。當時我好唔開心,好嬲,即使同家姐同一間睡房,都唔同佢面對面傾,只係打咗好大段短訊俾佢,問『點解要中意女仔?可唔可以唔好咁做?』」

On Kayla: Dior印花雪紡襯衫及黑色西褲;Atelier Swarovski圓形金色水晶耳環;閃石金屬手鐲apm Monaco
On Irisa: Loewe白色百褶連身裙;Atelier Swarovski圓形金色水晶耳環;閃石金屬手鐲apm Monaco

王曼喜、王麗嘉姊妹情深有原因!Kayla:「佢成日攞我做擋箭牌!」

舊事重提,Irisa 還記得當時家姐沒回覆,而Kayla 就話當時很不開心:「當時有段日子佢好抗拒我,而我始終都好介意屋企人點睇,尤其係妹妹,因為我一直覺得我同她最close,但同我最親密嘅人原來一直都唔太明白我。」雖然Irisa不記得之後如何接受家姐出櫃,但她卻是第一個認識Kayla 伴侶的親人,可見家姐的心裡把她放在第一位。

On Kayla & Irisa:Louis Vuitton太陽眼鏡;René Caovilla高跟涼鞋

Kayla大膽愛!同樣渴望成家立室

王曼喜、王麗嘉姊妹情深有原因!Kayla:「佢成日攞我做擋箭牌!」

王曼喜數年前承認出櫃,得到家人支持,每逢有新對象都會介紹給他們。即使是同性伴侶,父母都好著緊女兒的愛情:「佢哋會問好多背景,例如點識㗎、做咩㗎、同咩人一齊玩...等等。」伴侶更加會出席家庭聚會,成為王氏一分子!Kayla 依然期待和努力爭取香港同性婚姻合法化:「結婚雖然只係一張紙,但呢張紙賦予伴侶權利,當對方有咩事,另一半都可以喺病床邊下決定。」

 

Irisa 自省愛情觀:由速食愛情到渴望成家立室

王曼喜、王麗嘉姊妹情深有原因!Kayla:「佢成日攞我做擋箭牌!」

外人只關注王曼喜的同性戀情,卻甚少關心妹妹Irisa 的愛情世界。 Irisa 拍過6、7次拖,但原來有近半都屬速食愛情:「3、4年前試過幾個月內date 咗幾個人。我知我嗰陣好衰,只係拍咗幾個月拖,多數係我提出分手先。因為我唔鍾意男仔太痴身,我都試過好鍾意一個人時會好痴身,但當時我無,所以我知自己玩玩吓。」 

王曼喜、王麗嘉姊妹情深有原因!Kayla:「佢成日攞我做擋箭牌!」

從情場抽身,今年只得24歲的Irisa 已非常渴望結婚,更加想生BB:「媽媽都知我鍾意結婚,成日都同人講㗎啦,佢自己都想有孫抱!」問到擇偶條件,Irisa 立即提出:「希望老公高過我,要係一個好人,搞笑、幽默、caring...」可惜媽媽同家姐都無介紹,唯有自己努力!

 

不吝嗇好身材!兩姊妹互讚對方更索更大膽

王曼喜、王麗嘉姊妹情深有原因!Kayla:「佢成日攞我做擋箭牌!」

擁有「王家最強模特兒基因」,兩姊妹經常作性感打扮大騷身材、尺度之大連女生也不禁想望多兩眼。兩人在IG 分享的靚相中,性感晚裝、泳衣照已是家常便飯,床照甚至裸照也非禁忌,大膽中見自信!

 

王曼喜、王麗嘉姊妹情深有原因!Kayla:「佢成日攞我做擋箭牌!」

問兩人覺得誰更索?Irisa 率先搶答:「我眼中嘅索係有自信,我覺得Kayla 好有自信,IG 相可以唔PS (執相)都得,又唔介意show俾人睇到皮膚敏感,比我更加有自信!」

 

王曼喜、王麗嘉姊妹情深有原因!Kayla:「佢成日攞我做擋箭牌!」

Kayla認同妹妹對索的定義,但就話兩人路線不同:「Irisa始終係model,有超長腿,大家鍾意睇佢著衫、styling。佢都好夠膽post 裸照,唔會驚人話,會分享自己嘅自然美態。我覺得自己走嘅路線親民啲,平凡啲。」

王曼喜、王麗嘉姊妹情深有原因!Kayla:「佢成日攞我做擋箭牌!」

早前Kayla因手上有脂肪瘤而要做小手術,手臂上留下明顯疤痕,她也不介意分享。人無完美,最緊要識得欣賞自己,這就是兩姊妹都擁有的自信。

 

王曼喜、王麗嘉姊妹情深有原因!Kayla:「佢成日攞我做擋箭牌!」

仔細留意,Kayla 和Irisa 手上都有同一紋身圖案,原來是她們的姓氏 —— 王。那年Irisa 19歲,隻身在美國留學,難得逃離媽媽的嚴厲管教,好想學Kayla 紋身,所以請她親自設計姓氏紋身,作為19歲的生日禮物。先斬後奏,媽媽當然無say,而這個family tattoo 也成為她們這輩的象徵,連弟弟、表親們也紋在身上,感覺關係更親密。Irisa 也自豪地說:「I’m proud to be Wong!」

 

再自信也會倒下!Kayla、Irisa同被嘲似人妖

王曼喜、王麗嘉姊妹情深有原因!Kayla:「佢成日攞我做擋箭牌!」

▲Kalya 的伴侶曾趁她裸體時舉機拍照,Kayla 也敢於分享。

傅媒經常話爸爸王敏德不滿兩姊妹大騷身材,到底是否真有其事?兩姊妹異口同聲話:「可能開頭Daddy 會介意,但依家無咩嘢,甚至佢會讚啲相靚!出席活動前著得性感啲,佢都會講『oh you are so nice!』」

王曼喜、王麗嘉姊妹情深有原因!Kayla:「佢成日攞我做擋箭牌!」

除了爸爸識欣賞,媽媽Janet也非常支持!她更常常跟兩女出席活動、歎tea 和打卡,儼如「王家三姊妹」,非常搶鏡!

 

王曼喜、王麗嘉姊妹情深有原因!Kayla:「佢成日攞我做擋箭牌!」

然而,Kayla 和Irisa 有父母的明星光環,加上做模特兒等同半隻腳踩入娛樂圈,少不免會有網民惡意攻擊,「好醜樣,唔好再post 樣衰泳衣相」已是最溫和的批評,Irisa憶述最過火言論:「有人會專登message話我哋兩姊妹好似人妖!」

王曼喜、王麗嘉姊妹情深有原因!Kayla:「佢成日攞我做擋箭牌!」

家姐Kalya 話再自信也有倒下的一天:「無可能 365日都有自信。有時都會有低潮,聽到會唔開心。所以發生呢啲事時,有家人和朋友喺身邊支持鼓勵好重要。」面對無聊批評,兩姊妹現在已經練得一身好本領——沉默就是最好的回應!

王曼喜、王麗嘉姊妹情深有原因!Kayla:「佢成日攞我做擋箭牌!」

Credits:
Photos by Josh Chow; IG @kaylaiw, @irisashannon 
Styling by Sandy; assisted by Yuki Chu
Makeup: Wendy Lee @ Wendy’s Workshop;
assisted by: Kineta Cheung @ Wendy’s Workshop
Hair: Hugo @ ii alchemy
Location: St. Regis Hong Kong

LOAD MORE